Salmo
34 Ibia bedʼeabayi Jeowa ʉ̃rʉ ewari jõmaʉ̃nẽ; mʉ̃ ibara ewari jõmaʉ̃nẽ iyi ʉ̃rʉ ibia jarabayi. 3 Mʉ̃meba Jeowata yi zroma babidadrʉ akʉza ãbaʉba iyi trʉ̃ ʉ̃rʉ ibia bedʼeadadrʉ. 4 Mʉ̃a Jeowa widisi akʉza iya panʉsi. Iyara mʉ̃ perabi jõma ãĩ bʉesi. 7 Jeowa angelera bʉ yi wawiabʉ audu akʉza ẽdrʉbibʉ. 8 Mayikʉzaʉba akʉidua Jeowara ẽbẽra biata; yi ẽbẽra iyi k’arebata jʉrʉbʉra sobiabʉ. 9 Jeowaꞌa wawiata ũdubidua, mara iyi ode kʼẽrẽpa panʉraba, iyaʼa wawiata ũdubipanʉbʉrʉ kʼãrẽ wae ẽ bayi. 10 Imama zromasida jarraba ũdubʉ, mamina yi Jeowa jʉrʉbʉra nebia wae ẽ bayi. 11 Zera, mʉ̃ warrara, ũrĩdua mʉ̃a jarabʉta; mʉ̃a jaradiayi Jeowa sãwũã wawia ũdubita. 12 ¿Maranebema kʼaita sobiabʉ akʉza kʼaiba erbakĩrãbʉ ewari biata mejãcha? 13 Mawũãbʉbʉrʉ jura kʼawua akʉra bʉ kirameta nemitiadeba akʉza bʉ ita sewida jaraideba. 14 Ãĩ wãra nekayiruadeba akʉza biatrʉ ora. Jʉrʉda aduʼa bʼaita akʉza maʉ̃ta pẽwãra. 15 Jeowa dabʉbara akʉbʉ ẽbẽra biaratrʉ akʉza iyi kʉwʉrʉbara ũrĩbʉ ãya kʼareba widibʉra. 16 Mamina Jeowara yi kayirua obʉra ʉ̃rʉbʉ mawũã ãyi jõma jõbita. 17 Nemi jĩgʉa jʉrasida mõbe Jeowaba ũrĩsi; ãyi zʉbʉriabadadeba ẽdrʉbigasi. 18 Jeowarabʉ yi jipa sopʉapanʉra k’awa; k’arebabʉ yi jipa k’ãrẽ ẽ kĩrãk’a krĩchapanʉrãra. 19 Ẽbẽra biarãra mejãcha bedʼea zromata ũdupanʉ, mamina Jeowabara maʉ̃neba ẽdrʉbibʉ. 20 Iyara bia akʉbʉ iyi bʉwʉrʉra; mia abaʉta bʉawãka. 22 Jeowa bara akʉbʉ iyi k’aidu panʉra bebʉra; akʉza iyiare mirʉita jʉrʉ bʉra ũduya.