Santiago
2 Jõmaʉ̃ta biode baebʉ. Yi bedʼeabʉde ãĩ jara ẽãra maʉ̃bara jõma aripe obʉ akʉza iyi kakuara jõma biʼia zokʼabʉ. 3 Kabayo ide prenota bʉera iyi kakua jõma daya zokʼabʉ. 4 Akʉidua jãbata: yi zromamina akʉza pʉãdrʉba kʼareba wãbibʉmina yi samare wãi jarabʉra yi timon. 5 Abarikabʉ kĩrãmeta: iyira wĩka kirumina nekʼãrẽ zromata jarabʉ. Akʉra tʉbʉ wĩka pʉreabʉdeba sãwũã oi zroma mejãcha bawãbʉta. 6 Kĩrãmesida tʉbʉ, iyideba zebʉ kayiruata. Kirameta dayirã kakuadebʉ baera jõma ãrĩseabʉ dayirã kakuara. Dayirã todadeba kĩrãmera tʉbʉ baera beibiseabʉ Gehenane. 8 Mia abaʉ ẽbẽraba bia zokʼabe ẽ kʼãrẽ jaraira. Bia zokʼauda ẽ akʉza zʉbʉriabibʉ, beneno awabʉ kĩrãkʼabʉ. 10 Dayi itadeba jarabʉ bedʼea biata akʉza bedʼea kayiruata. Mebẽrãra naʉ̃ra biga ẽ. 11 Do dabʉdebara ze ẽ bania kũata akʉza bania soata, ¿bʉmabida? 12 Mebẽrãra iguerabara dia ẽ neta aseitunata mia bakuru ubaba dia ẽ neta igota, ¿bʉmabida? Bania kʉyabara dia ẽ bania kũata. 13 ¿Kʼaita maranebemara buru bia? Ũdubira bʉya nekʼãrẽ obʉdeba urumʉ̃rʉãbʉ, maʉ̃ra buru biadeba zebʉ. 17 Mamina, buru bia ʉ̃tʉbemara nãã neneẽãbʉ, maʉ̃are jõmaʉ̃rabawara biabʉ akʉza daya krĩchabʉta oẽ, soiduba ũrĩña awabʉ, so zʉbʉria akʉbʉ, nek’ãrẽ bia obʉ, daucha akʉbʉ adewara iyara wãrĩnuta jarabʉ. 18 Adewara nek’ãrẽ aripe obʉ ũduira, yi adu’a b’aita jʉrʉbʉbara adu’a b’aibara wuabemabawara.