1 Corintios

3 Yumakẽrãbara diaibara yikima’a yuwẽrãba nesidabʉta, yuwẽrãbida ab’arika diaibara yi kima. 4 Yuwẽrãbara zokaẽ iyi kakʉara, awuarabʉrʉ zokabʉ yumakẽrãbʉrʉ, abarika, yumakẽrãbida zokaẽ iyi kakʉara, awuarabʉrʉ zokabʉ yuwẽrãba. 5 Idubʉraidua maʉ̃ oira, mamina ewari jʉrʉsidabʉrʉ ũmeba maʉ̃ oẽbaita, waya ewari erbara yiwidita, maʉ̃are akʉza maʉ̃ oseabʉ , diarʉba sewaẽmarẽa maʉ̃ oẽk’ãrẽa 10 Kimabarabera mua jaraya, naʉ̃ bed’eara mʉreẽã, awuarabʉrʉ Daizezede, yuwẽrãbara yikimara idubʉbẽ. 11 Mamina idubʉra, mia k’ãĩ ẽ baibara awuruʉ̃me awuarabʉrʉ jẽda yi edaibara akʉza yumakẽrãbida idubʉbe ẽ yi kimara. 12 Mamina wuabemara mʉ̃a jaraya (mawũã Señorba jara ẽ) yumakẽrã abaʉba erbʉbʉrʉ kima Daizeze odebʉ ẽãta, mamina maʉ̃ yuwẽrãta iyiʉ̃me bakĩrãbʉbʉrʉ, idubʉrãra. 13 Yuwẽrãbida yi kima Daizeze odebʉ ẽãta erbʉbʉrʉ, mamina yumakẽrãta iyiʉ̃me bakĩrãbʉbʉrʉ, idubʉrãra. 16 Wẽrã, ¿bʉara sãwũã kʼawuachu bʉ kima ẽdrʉbita mawũã ẽ bʉrʉ ẽdrʉbi ẽãta? Yumakẽrã, ¿bʉara sãwũã kʼawuachu bʉ kima ẽdrʉbita mawũã ẽ bʉrʉ ẽdrʉbi ẽãta? 29 Mebẽrã, mʉ̃a naʉ̃ta mara’a jarakĩrãbʉa: naʉ̃ ewarira jõbodo’a, maʉ̃ba kima barapanʉra, kima neẽ kĩrãk’a panaidua. 31 akʉza naʉ̃ drʉade nekʼãrẽbʉ zokʼapanʉra aukʼara zokʼapanʉ ẽ kĩrãkʼa bʼaibara. Naʉ̃ drʉade berabaribʉra awuara wã baera. 32 Wãrĩnu bʼaira kãgabʉ mara krĩcha zroma oda ẽ marẽã. Yumakẽrã juwa jidabʉ ẽãbara nãã jʉrʉbʉ Daizezedebemata, krĩchabʉ Daizeze nãã sãwũã bia bʼaita. 33 Mamina yumakẽrã juwa jidabʉra krĩcha zroma obʉ nekʼãrẽ naʉ̃ drʉadebema kʼarea, yi kima nãã sãwũã bia bʼaita. 38 Mawẽrã, yi juwa jidabʉbara bia obʉ, mamina yi dobabʉbara audre biʼia obʉ. 39 Yuwẽrã kimabarapanʉra yi kima zok’ai bʉedara ãbapanaibara. Yi kimata beira, yuwẽrãra badu yumakẽrãʉ̃me mia k’ãĩseabʉ. Mamina Daizeze ode bʉmebʉrʉ.