Romanos
14 Bia edaidua ãya ĩjãbʉ zarea erbʉ ẽãrata, mawũãmina aña krĩcharaidua yi ẽbẽra bʉme abarika krĩchabʉ ẽʉ̃me. 4 ¿K’ai bʉra, kãwũã awuru nezok’a k’awua oira? Yi nezok’a yibaribʉrʉ k’awuabʉ piradrʉ b’aita mawũã ẽ bʉrʉ baeita. Mõbera iyira, piradrʉ baseabʉ Jeowaba mawũã piradrʉ erbai baera. 7 Dayirã miõta dayikʉzaita zokʼaipanʉ ẽ akʉza miõta dayikʉzaita beipanʉ ẽ. 8 Dayirãta zokʼaipanʉbʉrʉ Jeowaitabʉrʉ zokʼaipanʉ akʉza dayirãta beira Jeowaita beipanʉ. Mawũẽra dayirãta zokʼaipanʉbʉrʉ mawũã ẽ bʉrʉ beipanʉbʉrʉ, dayirãra Jeowade. 10 Mamina bʉara, ¿kʼãrẽa aña krĩchabʉ bʉ mebẽã ʉ̃rʉ? akʉza ¿kʼãrẽa bia eda ẽpe bʉ mebẽãra? Dayirã jõmaʉ̃ta Daizeze nãã panañi, dayirãba kʼãrẽ oda kʼarea. 12 Mawũẽra dayirã aba abakaʉba kʼawua jaradayi kʼãrẽta odata Daizezeʼa. 19 Jʉrʉtakeradrʉ nek’ãrẽ dayirã yi neneẽã babibʉta akʉza yiya yi k’arebadrʉ dayirãba ĩjãbʉta zareabita. 21 Audre bigabayi chichi ko ẽ baita mia bino do ẽ baita mia obe ẽ bʉ mebẽã baebiseabʉta.