Lucas

15 Ãyi maʉ̃ berabarida ʉ̃rʉ nebʉra taidade, Jesúsʼra ãyi kʼawa degue kʼãrãpe teibawasi, 16 mamina ãyara ũdu kʼawuada ẽ basi. 18 Ãyidebema abaʉba yi trʉ̃ Cleopasba kʼãwũã jarasi: «¿Bʉtrʉ abapai Jerusalén aineba zepekʉbʉka maʉ̃ba kʼawua ẽ mainʉ yi sãwũã berabarinʉmʉta naʉ̃ ewadede?». 19 Aramaʉ̃ta iya widisi: «¿Kʼãrẽta sãwũã berabarisi?». Ãya jarasida: «Jesús Nazaretdebema sãwũa berabaridata, iyira propeta akʉza iya jarabʉdeba adewara obʉdeba Daizeze kĩrãbita akʉza ẽbẽra jõmaʉ̃ra kĩrãbita ũdubisi iyira yi zromata. 20 Saserdote nokʼoraba akʉza nokʼoraba diasida Jesúsʼra beadamarẽã akʉza bakurude juwa kachidamarẽã. 21 Daiba krĩchabasi iya ẽdrʉbibasita Israeldebemarara mamina idi ewari ũbeaba maʉ̃ mawũã berabaridara. 22 Adewara ʉ̃kʉrʉ wẽrãraba jarasida bedʼea daiba ĩjã ẽãta. Ãyira diapeda jʉ̃esida Jesús joʉdapeadaidu 23 ãya Jesús kakua ũdu ẽ bai, nainu zesida mõbe jarasida angelerata ũdusidata akʉza naʉ̃raba jarasita Jesúsʼra zokʼaichuta. 24 Mawũãi ʉ̃kʉrʉ daidebemaba akʉ wãsi Jesús joʉbʉidu, ãyi mainʉ jʉ̃ẽbʉrʉde ũdusida jõma wẽrãraba jaradade basita. Mamina ãyara ũduda ẽ basi Jesúsʼra». 25 Iya jarasi: Kʼare kĩrãkʼa bia krĩchada ẽ jipa akʉza mesera ĩjãna ẽ propetaraba jaradara 26 ¿Kõbe Kristora kʼawũã zʉbʉriaibarasi ẽka mawũã nokʼo baita? 27 Moisésba bʉdadeba akʉza propetara jõmaʉ̃nẽba, iya jara ũrĩbisi iyi ʉ̃rʉ jarabadara Daizeze Bedʼeade. 30 Ãyibawara nekʼobʉde panta jida kʼãrãpe yiwidʼisi, maʉ̃are bʉekua kʼãrãpe ãyaʼa dedekasi. 31 Aramaʉ̃ta ũdu kʼawuasida ãya Jesúsʼra, maʉ̃ne neẽã totosi Jesúsʼra. 32 Ãyiraĩ mawũãsida: «¿Kõbe tʉbʉba babʉkĩrã sentisida ẽka sode, iya Daizeze Bedʼea ẽza jaradia nʉmaside dayirã erbʉzaside?». 36 Ãyi maʉ̃ ʉ̃rʉ nebʉra barabʉde, Jesúsʼra ũtʉ deguesi ãyi ẽzadra, mõbe jarasi: «Neneẽã panaidua». 37 Mamina ãyira mejãchade perasida jipa, maʉ̃ba krĩchasida jaureta ũdu dogota.