Daniel
5 Nokʼoba kʼãwũa panʉsi kaldeora: «Mʉ̃a naʉ̃ta oyi maraba jarada ẽ bʉrʉ kʼãrẽta jarakĩrãbʉta mʉ̃a kʼãĩmokʼãrãdaba, mara kakuara pikatʉkʉaya, adewara mara dera wuabemara nesea bʉebari de baya. 16 Aramaʉ̃ta Danielʼra eda wãsi akʉza widisi nokoʼa ewarita diamarẽã iya kʼãĩmokʼãrãda jara ũrĩbita. 28 Ʉ̃tʉrabʉ Daizezeta naʉ̃ba jara ũrĩbibʉ nekʼãrẽ merabʉta akʉza iya jara ũrĩbibʉ nokʼo Nabucodonosorʼa, naʉ̃ drʉa jõbodoare kʼãrẽta berabarita. Naʉ̃ta bʉ kʼãĩmokʼara, bʉa bʉyi burude ũdudata bʉ kamane kʼãĩbʉeda: 31 Nokʼo, bʉa akʉnʉmaside ũdusi nekʼãrẽ oma zromata. Naʉ̃ nekʼãrẽ omara jipa yi zromabasi akʉza uyiderreabasi, bʉ kĩrãbita edaʉnʉmasi akʉza dayi pera perachuasi. 32 Naʉ̃ nekʼãrẽ oma burura oro omabasi; yi trʉ̃ãta akʉza yi juwata plata omabasi; yi bita akʉza yi bakarata kobre omabasi; 33 yi jĩrʉta jiorro omabasi akʉza yi jĩrʉ jiwinita jiorroba akʉza egorobaba basi. 34 Bʉa maʉ̃ta akʉnʉmʉena, mõgarata kõsida, mamina ẽbẽra juwaba oẽbasi, naʉ̃ra jĩrʉ jiwini jiorroma akʉza egorobaba bʉma deguesi, mawũã naʉ̃za wãbisi. 35 Mawũã jiorrota, egorobata, kobreta akʉza orota jõma naʉ̃za wãsi akʉza paja poagadebʉ kĩrãkʼabasi, adewara pʉ̃ãdrʉba jãrãzoa edesi mia kʼãrẽta be ẽ marẽã. Mamina yi mõgara nekʼãrẽ oma zromama deguedara katuma zromabasi akʉza naʉ̃ drʉa jõma birasi. 41 »Jĩrʉta akʉza jĩrʉ jiwinita ʉ̃kʉrʉta egoroba akʉza ʉ̃kʉrʉta jiorroba bʉta ũduda kĩrãkʼa, nokʼora ẽzadra drabayi, mamina wiña zareabayi jiorro kĩrãkʼa, bʉa jiorrota egoroeda ãba pʉerabʉ ũduda kĩrãkʼa. 42 Akʉza jĩrʉ jiwinita ʉ̃kʉrʉta jiorrobasi baera akʉza ʉ̃kʉrʉta egorobasi baera, abarika nokʼora ʉ̃kʉrʉta zareabayi, ʉ̃kʉrʉta borekeabayi. 43 Abarika jiorrota egoroʉ̃me ãba pʉerabʉ ũduda kĩrãkʼa, ãyira pʉwʉrʉde eda ãbapanañi. Mamina jipa ãba pana ẽ bayi, jiorrota egoroʉ̃me ãba pʉera ze ẽ kĩrãkʼa. 44 Maʉ̃ra nokʼora ewaridera Daizeze ʉ̃tʉbemabara, bʉyi nokʼo jõkata akʉza maʉ̃ nokʼora mia abaʉ pʉwʉrʉ eda berabari ẽ bayi. Naʉ̃ nok’oba birachiyi akʉza jõma jõbiyi maʉ̃ra nok’orãra, adewara iyitrʉ ewari jõmaʉ̃nẽ bayi, 45 katumaneba mõgara toabʉedapeada ʉ̃tʉ zebʉ ũduda kĩrãkʼa, maʉ̃ mõgararaba jõma birachikuasi jiorrota, kobreta, platata, orota, maʉ̃ra yumakẽrãba oẽ basi. Daizezeba nokʼoʼa ũdubisi ʉ̃rabʉrʉ zeide kʼãrẽ berabarita. Kaʉ̃ kʼãĩmokãrãra wãrĩnu akʉza ĩjãseapanʉ kʼãrẽta jarakĩrãbʉta.