Romanos

20 Nekʼãrẽ jõma parãnara bianʉme ẽ basi (mamina krĩña mawũãnʉme ẽ basi ãya mawũã kãgabasi baera, awuarabʉrʉ yi aña oda kʼarea mawũãsi) mamina kʼawuasida tẽã bʼaita kʼarebata 21 nekʼãrẽ jõma parãnara ẽdrʉita nekayiruadeba akʉza beideba, mawũãtrʉ Daizeze warrara kĩrãkʼa panañi. 26 Maʉ̃ kĩrãkʼa Daizeze jaure zareaba kʼarebabʉ dayirã zarea neẽãne. Edaʉde kʼawua ẽ baera sãwũã jaraita dayi yiwidʼibʉde, mamina naʉ̃ jaurera bedʼeabʉ dayirã sãwũã pʉanʉmʉ jaraita. 27 Mawũãsidu Daizezebara kʼawuabʉ sãwũãnʉmʉta dayi sora akʉza kʼawuabʉ naʉ̃ jaureba widibʉra, maʉ̃ jaureba widibʉ Daizezeʼa iyi pʉwʉrʉ bari mõbe maʉ̃ra bigachu Daizezeitara. 32 Daizezebara yi Warrata wuaga ẽ basi, awuarabʉrʉ dayirã jõmaʉ̃ra k’area idu beabisi, ¿iya maʉ̃ta dayirã’a diasibʉrʉ nek’ãrẽ bia jõma diai ẽka? 35 «¿Kʼaiba dayirãra ãĩ bʉeseabʉ Kristo kãgadebara? ¿Bedʼea pʉaba? ¿Pẽwãpanʉba? ¿Jarrababa? ¿Wua nẽẽãba? ¿Zʉbʉriaba? ¿Kuchoba? 37 Mamina, ẽdrʉsida naʉ̃ bed’ea zroma jõmaʉ̃nẽba dayirã kãgabʉba k’arebasi baera. 38 Mʉ̃a bi’ia k’awuabʉ mia beiba, mia bebʉba, mia angeleraba, mia nok’oraba, mia atia berabarinʉmʉba, mia nek’ãrẽ ʉ̃rabʉrʉ zeiba, mia zarearaba, 39 mia ʉ̃tʉba, mia eidubʉba, mia awuru nek’ãrẽ parãnaba jĩgara bʉ ẽ bayi Daizeze kãgadebara Jesu Kristode bʉba.