Jueces

14 Lehídu zesi ũdubʉdade, pilisteorãra ganabʉda baera sobia jʉrasida. Maʉ̃ne Jeowa jaure zareata zesi iyi ʉ̃rʉ iyaʼa zarea diaita, aramaʉ̃ne jʉ̃kara iyi juwa jʉ̃chubadara tʉdʉzoa totosi ilo tʉbʉde berabarida kĩrãkʼa akʉza kadenara iyi juwadeba bae jʉrzoa totosi dorrabaridogo kĩrãkʼa. 15 Iya ũdusi burru kidatrʉ waidide yiwidita, maʉ̃ta jidape maʉ̃ba beasi yumakẽrãra 1.000. 16 Aramaʉ̃ta Sansónba mawũãsi: «Burru kidatrʉba [...], boremea aba, boremea ũme. Burru kidatrʉba beabʉrʉ yumakẽrãra 1.000». 18 Mejãcha obisiasi mõbe Jeowaʼa naʉ̃ta jarasi: «Bʉabʉrʉ gana diasi bʉ nezokʼara mamina, ¿mʉ̃ra obisiaba beibaraka akʉza ẽbẽrarã sirkunsidabʉ ẽ juwade beibaraka?». 19 Mawũẽ Daizezeba sobea Lehídebadata ewasi maʉ̃neba ʉ̃tʉ zesi baniata. Sansónba dope zarea jidape kĩrãbasi. Maʉ̃ba maʉ̃ dodabʉ Lehídebʉra idibasidu trʉ̃gapanʉ En-Hacore.