1 Corintios

2 Adewara maraba mʉ̃a bedʼea bia jarada ʉ̃rʉ wãrĩnu ĩjãbʉbʉrʉ, marara ẽdrʉyi. Maʉ̃ta oẽbʉrʉ marabara bari ĩjãnañi. 3 Mʉ̃a maraʼa nããra jaradiadara mʉ̃aʼabida jaradiasida: Kristora beisita dayirã nemitia bari, mawũã jarabʉ Daizeze Bedʼeaba. 4 Jousida akʉza piradrʉsi ewari ũbea babʉrʉde, mawũã jarabʉ Daizeze Bedʼeaba. 7 Maʉ̃ tẽã yi ũdubisi Santiagoʼa akʉza yi kʼaidubemara jõmaʉ̃ʼa 8 Jĩrʉare mʉ̃aʼa yi ũdubisi wũãwũã wabida ẽ nãã toda kĩrãkʼa. 9 Wuabemara apostoleraira mʉ̃trʉ edabʉ akʉza biga ẽ mʉ̃ apostol adaita mʉ̃a pẽwãbasi baera Daizeze kongregasionta. 10 Mamina Daizeze biadeba mʉ̃ra kʼãwũãbʉ. Iya mʉ̃aʼa nebia diadara bari ewarade aduabi e basi, awuarabʉrʉ wuabemara audre zarea trajasi. Mamina mʉ̃a oẽbasi awuarabʉrʉ Daizeze biadeba osi. 21 Beira yumakẽrã abaʉdeba zeda kĩrãkʼa, ẽbẽra beidara jẽda piradrʉira zeyi yumakẽrã abaʉdeba. 22 Kʼãwũã, Adán’neba ẽbẽra jõma beinʉmʉ kĩrãk’a, mawũã abarika Kristodeba jõmaʉ̃ba erpanañi ewari jõmaʉ̃nẽ panaita. 24 Maʉ̃ tẽã, jõbodoare, iya nokʼora jõma makẽnana tẽã, ãyi zarea jõbida tẽã akʉza ãya zokʼabʉ jõbida tẽã, iyara jẽda diayi iyi Nokʼora Daizezeʼa, yi Zezeʼa. 25 Iyara zokʼaibara baera Daizezeba jõma iyi nejʉrara iyi jĩrʉ edre bʉeyeda. 26 Ne jʉra bʉra, beibʉra wuara neẽbayi jipa jõbiyi. 27 Daizezebara «jõma iyi jĩrʉ edre bʉesi» baera. Mamina iya jarabʉde jõma bʉesita iyi jĩrʉ edre, naʉ̃bara jarakĩrãkʉ ẽ Daizezesida iyi jĩrʉ edre wãibasita. 28 Mamina nek’ãrẽ jõma diabʉrʉ tẽã, mawũã yi Warrasida yi diayi Jari nek’ãrẽ jõma diada, Daizezeta nek’ãrẽ jõma ʉ̃rʉ bamarẽã, jõmaraita. 32 Beidarata jẽda piradrʉda ẽ bʉrʉ, «nekodrʉ akʉza nedodrʉ nrʉema bei baera». 33 Idu yi kʉ̃rʉ̃gabiraidua. Ẽbẽra kayiruabara edebʉ dayirã nebia aduabita. 35 Mawũãsidu iabaʉba jarayi: «¿Sãwũã jẽda piradrui beidara? Mawũã,¿k’ãrẽ kakuade zei ãyira? 40 Bʉ kakua ʉ̃tʉbemata akʉza nama egorodebemata, mamina kakua ʉ̃tʉdebemara awuarabʉ akʉza nama udadebemara awuarabʉ jipa. 41 Nebia ũmadaʉba erbʉsida awuarabʉ, jedekodesida awuarabʉ, chĩdau nebiasida awuarabʉ, adewara chĩdau aba abakaʉba erpanʉ nebiarãra. 42 Mawũã berabariyi dayi beuda jẽda piradrʉbʉrʉdera. Beuda joubʉrʉdera berawabare, mamina jẽda piradrʉbʉrʉdera wuara berawa ẽ bayi. 43 Beuda kakua joubʉrʉdera zarea neẽ, mamina jẽda piradrʉbʉrʉra zareabara piradrʉyi. 44 Joupanʉ dayi k’akuade, mamina jẽda piradrʉbibʉ jawurede.Yarabarabʉsida bʉbʉrʉ, jawurede bʉsida bʉ. 45 K’ãwũã bʉchʉa: «Nããbema yumakẽrã, Adánta, nããra zokʼaibasi». Awuru Adán zedara jaurebasi akʉza bebʉta diabʉ. 55 «Beida, ¿samachu bʉ zaraeara? Beida, ¿samachu bʉ zareara zʉbʉria oita?». 57 Mamina biga diapanʉ Daizezeʼa iya Nokʼo Jesukristodeba dayirãta ẽdrʉbibʉ baera. 58 Mõbemata mebẽrã zarea baidua, iduaribirãra nek’ãrẽ baduba awuara babita, ewari jõmaʉ̃nẽ trajaidua Daizezeba zok’abʉ oita, mamina bia k’awuapanʉ maraba obʉra bari obʉ ẽãta.