1 Pedro

6 Maʉ̃ba marara mejãcha sobiapanʉ, atia bed’ea zroma erpanʉmina ewari jõma ẽ bayi, 7 maraba ĩjã ũdubida kʼarea (naʉ̃ra audre balebʉ oroira, orora tʉbʉ pʉreaba ara obʉmina, ãrĩseabʉ) ibia bedʼeayi mara ʉ̃rʉ, Jesukristo yi ũdubibʉrʉde. 8 Maraba iyira ũduda ẽ basimina kãgapanʉ. Idibida ũduda ẽ mina iyi ʉ̃rʉ ĩjãpanʉ akʉza arigʉ sobiapanʉ 14 Maraba nããra bed’ea bia k’awai nawedara nemitiata opanasi, mamina iduaribiraidua maʉ̃ nemitiba akʉza jẽda nemitia obimarẽã; 15 awarabʉrʉ, Neneẽãbʉba mara trʉ̃na kĩrãk’a, neneẽã baidua nek’ãrẽ jõma maraba obʉde, 16 maʉ̃ra yi bʉma baera: «Neneẽã panaibara mʉ̃ra neneẽãbʉ baera». 18 Marabara kʼawuapanʉ nekʼãrẽ ãrĩbariba (plata oro) ẽdrʉbi ẽ basita mara yibarira nabemaneba diamenanebara. 19 Awuarabʉrʉ mejãcha yibia basi iyi wara, neneẽã basi kordero neneẽãbʉ kĩrãkʼa, Jesús wara. 22 Marara atiara neneẽãpanʉ wãrĩnuta ũrĩpanʉ baera, maʉ̃ kʼarea marara yiya kãga zebʉda soidʉba, bari i awaʉba jara ẽ, soiduba zarea oidua mayirai kãga ũdubita. 24 «Ẽbẽrarã jõmaʉ̃ta chirua pãwãra kĩrãkʼapanʉ akʉza ãyi nebiara nepono kĩrãkʼapanʉ; chirua pãwãrara bagʉbʉrʉa, neponora yi kidua jurzoabʉrʉa; 25 mamina Jeowa bed’eara, ewari jõmaʉ̃nẽ baya». «Naʉ̃ bedʼea biara» mara jarakabʉrʉ.