Efesios

11 Naʉ̃ra abarikʼabʉ Daizezeba ewari jõmaʉ̃nẽ krĩchabadaʉ̃me akʉza maʉ̃ta aripe berabaribibʉ Kristo Jesu dayirã Nokʼodeba. 14 Maʉ̃ k’area sãkokode kʉbeyi Zeze nãã, 15 mebẽrã jõmaʉ̃ta ʉ̃tʉbemata akʉza egorodebemata iyi trʉ̃neba panʉ. 16 Mʉ̃ra yiwidʼibʉ iyi zareaba kʼarebamarẽã mara sode sãwũãbʉta zarea bamarẽã 17 akʉza maraba ĩjãbʉdeba Kristora mara sode bamarẽã. Akʉza widibʉ marara kʼẽrẽpapanamarẽã akʉza zareapanamarẽã karra jidabʉ kĩrãkʼa, 18 yi neneẽãpanʉraba biʼia kʼawuadamarẽã yi joʉbʉata, yi drazoata, yi ʉ̃tʉata akʉza yi eiduata, 19 akʉza Kristo kãgata ũdukʼawuadamarẽã, maʉ̃ra audre yi zroma nekʼãrẽ kʼawuaira, mawũã maraba erbamarẽã jõma Daizezeba diabʉra. 20 Mõbe, Daizezeba iyi zareata diabʉ dayirãʼa akʉza iyara dayirãba widida audre oseabʉ, zarea jõma erbʉ baera.