Jueces

4 Maʉ̃ tẽã kãgasi wẽrã koribi Sorecdebemata yi trʉ̃ Dalila. 17 Maʉ̃nebʉrʉ iyi sodebʉta iyaʼa jarasi: «Mʉ̃ bʉdara tʉdaka, mʉ̃ todadeba mʉ̃ra nazareo baera. Mʉ̃ bʉdata tʉra mʉ̃ra zarea neẽ bayi akʉza wuabemara ẽbẽra kĩrãkʼa bayi». 28 Sansónba Jeowaʼa widida ʉ̃rʉ widisi: «Jeowa nejõma zokʼabʉ, mʉ̃ bia okʼãrãpe mʉ̃ta kĩrãbera. Zeze mʉ̃aʼa zarea diara, mʉ̃a naʉ̃ta wua widi ẽ bayi, mʉ̃ bia ope. Iduaribira mʉ̃abida pilisteora abarika kayirua oita ãya mʉ̃ dabʉ ãĩ bʉedadebema abaʉ kʼarea». 29 Tẽã Sansónba jidasi drʉ̃daʉ wagaʉra de anʉmʉrata. Drʉ̃daʉ abaʉde bʉesi juwarata, yi ababema drʉ̃daʉde bʉesi juwaʼãkata. 30 Sansónba jʉra mawũãsi «Mʉ̃ra beiyi pilisteorabawara». Mõbebʉrʉ edabarisi drʉ̃daʉ yi wagaʉta iyi zarea jõma, dera baesi nokʼora ʉ̃rʉ akʉza ẽbẽrarã yi jõma mama panana ʉ̃rʉ. Sansónba audre beasi iyi beiside iyi zokʼaibʉde beadaira.