Revelación
17 Angel sietedebema abaʉba, ewasi sãbʉ siete maʉ̃ta mʉ̃ma zepe jarasia «wãna, mʉ̃a ũdubiya naʉ̃ yuwẽrã odebema Daizezeba sãwũã oita, iyira jewedabʉ do zok’arabʉ ʉ̃rʉ. 2 Naʉ̃ drʉade nok’ora bʉra iyiʉ̃me ãba k’ãĩpanʉ, naʉ̃ drʉadebera ituaba beunʉme kĩrãkʼabe yuwẽrã odebemaʉ̃me ãba k’ãĩbʉdeba. 3 Angelbara jauredeba edesi drʉa ibʉawabʉma. Mama mʉ̃a ũdusi yuwẽrã aba nedʉwʉrʉ mẽsia yi purru eskarlata ʉ̃rʉ jewedabʉta, iyi burude trʉ̃ Daizezeʼa wawia ũdubibʉ ẽãta erbasi akʉza 7 buru erbasi adewara 10 kachu erbasi. 4 Yuwẽrãbara wua batatabʉta akʉza yi purru eskarlatata erbasi, oroba, mõgara biakiruba akʉza perlaba yobasia. Iyi juwade erbasi taza oro omata mamina maʉ̃ra nekʼãrẽ igarabʉba birabasi akʉza iyi kakuaba nemitia obadaba. 5 Iyi datrʉdera k’awua ẽ bʉ abasi. Mawũã bʉ abasi: «Babilonia Pʉwʉrʉ Zroma, yuwẽrã odebema papa akʉza naʉ̃ drʉade nekʼãrẽ nemitia ũdupanʉ papa». 8 Nedʉwʉrʉ bʉa ũdudara atiara neẽ. Mamina uria daʉkʉrenʉmʉneba yẽta ʉ̃tʉ uru, mamina iyira beadayi. Akʉza ẽbẽrarã libro bebʉde bada ẽãra kĩrãmigayi nedʉwʉrʉ mẽsia ũdʉbʉrʉde. Nããra zokʼaibasi, atiara neẽ mamina jẽda ʉ̃tʉ zeyi. 9 »Maʉ̃ ũrĩta nesida buru bia erbaita. Buru 7 abʉbara jarakĩrãbʉ katuma 7 bʉta, maʉ̃ra ʉ̃rʉ jewedabʉ yuwẽrãta. 10 Nokʼo 7 bʉ: Yi 5rãra berabarisida, ababʉ akʉza ababemara waidide ze ẽ; mamina zebʉrʉde ewari wiña bʼaibara. 11 Akʉza nedʉwʉrʉ mẽsi nãã badara mamina atia neẽ, maʉ̃sida nokʼo 8debema; maʉ̃ra zesi nokʼo 7raneba mamina iyira bei eda wã. 12 »Akʉza kachu 10 bʉa ũdudabara jarakĩrãbʉ nokʼora 10bʉta, maʉ̃rabara wabida zokʼa jʉ̃drʉda ẽ, mamina ora ababayeda zokʼadayi nedʉwʉrʉ mẽsiabawaraʉba. 13 Ãyara iyabaʉta okĩrãpanʉ, maʉ̃ kʼarea ãyi zareata diabʉ mawũã zokʼamarẽã nedʉwʉrʉ mẽsiaba. 14 Yonañi Korderoʉ̃me, mamina Korderoba iyi juwa edre baebiyi ãyira, iyira yibarira Yibari akʉza nokʼora Nokʼo. Iyiʉ̃me panʉrabida (yi trʉ̃napeadarata, yi jidadapeadarata akʉza kʼẽrẽpapanʉrata) ãyi juwa edre baebiyi». 15 Iya mʉ̃a jarasi: «Bʉa bania ũdudara, yuwẽrã odebemata jewedabʉ, maʉ̃bara jarakĩrãbʉ pʉwʉrʉrata, ẽbẽra kabanata, pʉwʉrʉ zromarata akʉza ẽbẽra bedʼea awuara awuarakadebemata. 16 Bʉa 10 kachu abada ũdudaba akʉza nedʉwʉrʉ mẽsiabawaraʉba jʉradayi yuwẽrã odebemabʉra, ãkada ope beadayi. Akʉza kodayi iyi yarara, mawũã oda k’ãrãpe edabʉedayi tʉbʉde. 17 Daizezeba ãyi sode bʉsi iya krĩchabʉde odamarẽã, ãyi krĩchara abarika zesida nedʉwʉrʉra mẽsiabʉa zok’abita, Daizezeba jarada aribaeyeda. 18 Bʉa yuwẽrã ũdudaba jarakĩrãbʉ pʉwʉrʉ zromata, maʉ̃ pʉwʉrʉ zromabara zokʼabʉ naʉ̃ drʉadebema nokʼorata».