1 Corintios

2 Mebẽrã, mʉ̃ marainʉ jʉ̃ẽsidera bedʼeaita Daizezeba mia k’aiʼa jara ẽ bada ʉ̃rʉ, jara ũrĩbi ẽ basi bedʼea maraba ũrĩaduadeba akʉza mejãcha kʼawuabʉta ũdubi ẽ basi. 2 Mʉ̃ marabawarabasidera jaradiakĩrãbasi jõma Jesús ʉ̃rʉbʉrʉ akʉza iyi sãwũã beadapeada ʉ̃rʉ bakurude. 3 Zarea neẽbasidu mʉ̃ra jʉ̃ẽsi marainʉ, mʉ̃ra perabasi adewara mʉ̃ra pididiabasi. 4 Akʉza mʉ̃a jaradiade jʉ̃ẽside Daizeze ʉ̃rʉ, zokʼa ẽ basi buru biara bedʼeata, awuarabʉrʉ bedʼeasi Daizeze jaure zareadeba, 5 mawũã maraba ĩjãna ẽ marẽã, ẽbẽrarã bedʼeata, awuarabʉrʉ ĩjãnamareã Daizeze jaure zareade. 10 Daizezeba daiʼa ũdubibʉrʉ iyi jaure zareadeba, Daizeze jaure zareabara jõma akʉbʉ baera, nekʼãrẽ Daizezedebemasida. 13 Daisida bedʼeapanʉ naʉ̃ ʉ̃rʉ, mamina zokʼa ẽ bedʼea ẽbẽra krĩchadeba zebʉra, awuarabʉrʉ zokʼabʉ bedʼea Daizeze jaure zareadeba zebʉta. Daizezedebema jaradiabʉrʉdera zokʼapanʉ bedʼea iyi jaure zareadeba zebʉta. 15 «¿Kʼaiba ũdukʼawuasi Jeowa krĩchara iyaʼa jaradiaira?». Mamina dayirãbara Kristo krĩchata erbʉ. 16 «¿Kʼaiba kʼawuabʉ Daizeze sãwũã krĩchabʉ? ¿Daizezeara kʼaiba jaradiabʉ?». Mamina daira Kristo kĩrãkʼa krĩchapanʉ.