Proverbios

3 Nekʼãrẽ jõma bʉa obʉra Jeowa juwade amaera, akʉza jõma bʉa oita krĩchabʉra bia wãñi. 4 Jeowabara nek’ãrẽ jõma obʉ iya krĩchabʉ aripe oita, yi ẽbẽrarã kayiruarasida osi makenaita. 6 Kãga jõka ũdubibʉdeba akʉza kʼẽrẽpabʉdeba kĩrãduabʉ nemitia odara akʉza Jeowa wawia ũdubibʉbʉrʉ nemitiata oẽ bayi. 18 Ʉ̃tabʉta krĩchabʉra zebʉ dayi baei naweda akʉza dayitrʉ abapai krĩchabʉbʉrʉ bia wã ẽ. 20 Yi audre bi’ia akʉbʉbara ũduya nebiata, akʉza sobiabʉ Jeowa ĩjãbʉra. 21 Yi so sobia erbʉra bia kʼawuabʉta trʉ̃gadayi akʉza ikũa bedʼeabʉ bedʼeara ĩjãnañi 22 Buru biabara kʼarebabʉ yi maʉ̃ erbʉ bebʉ zokʼai erbaita, mamina ẽbẽra bia krĩchabʉ ẽãbara iya aña obʉdeba kʼawuabʉ. 23 Burubiabʉ sobara iyi ira biʼia bed’eabibʉ akʉza iyi bed’eadeba ĩjãbibʉ wuabemara. 28 Ẽbẽra yõmia bara ʉ̃tʉzebibʉ yõta. Sewa nebʉrʉ mia bara jĩga wãbibʉ neũdukʼawuara biata. 31 Botorroara nebia kĩrãkʼabʉ burude, ne aripe obʉ ode bʉde. 32 Ẽbẽra kĩrʉbida ẽãra audre yi zroma yumakẽrã zareabarabʉira, iyi kĩrʉbi bia zok’abʉbara, bia zok’abʉ pʉwʉrʉsida.