Génesis

2 Mawũã jõma parãsi bajãta, drʉata akʉza nekʼãrẽ jõmabʉta maʉ̃rane. 2 Ewari siete babʉrʉde Daizezebara iya onʉmanara jõma parãsi. Mawũã ewari siete babʉrʉde Daizezera enaʉ̃si iya jõma nekʼãrẽ parãkʉadadeba. 3 Ewari sietera Daizezebara jidasi neneẽã babita, maʉ̃ ewaride iyi enaʉ̃bʉ baera iya jõma nekʼãrẽ parãkʉadadeba, iya krĩchada jõma odadeba. 4 Mawũã Daizezebara parã jʉ̃drʉsi naʉ̃ drʉade jõmabʉta, maʉ̃ ewaride Daizeze Jeowabara parãsi naʉ̃ drʉata akʉza ʉ̃tʉbemata. 15 Daizeze Jeowabara bʉsi yumakẽrãta ẽjũã kĩrãwãreã Edénʼne mawũã ne uta umarẽã akʉza akʉmarẽã. 16 Jeowaba jarasi yumakẽrãʼa neta drʉa kĩrãwãrẽanẽbʉra jõma kʼoseabʉta jãwuañĩena. 17 Mamina, neta nebia nemitia k’awuabibʉra, maʉ̃ra kʼobe ẽã asi, maʉ̃ kʼobʉrʉ ewaridera beibaribaya asi». 18 Aramaʉ̃ta Daizeze Jeowaba jarasi: «Yibia ẽ yumakẽrã doba bʼaira. Mʉ̃a oyi iyita kʼarebabari yibiata». 22 Mõbebʉrʉ Jeowabara yumakẽrã orrodeba osi yuwẽrã aba, maʉ̃ tẽã wesi yumakẽrãma. 23 Aramaʉ̃ta jarasi yumakẽrãbara: «Naʉ̃ra mʉ̃ bʉwʉrʉ oma akʉza mʉ̃ yara oma. Maʉ̃ba naʉ̃ trʉ̃ra Yuwẽrãbaya, yumakẽrãneba parãna baera». 24 Maʉ̃ba yumakẽrãbara idubʉya yi zezera akʉza yi papara, mawũã yi kimaʉ̃me baibaera, adewara kakʉa abapaibaibara.