1 Pedro

4 Jesús nama egorode basidera mejãcha zʉbʉriasi, maʉ̃ kʼarea marabida nekʼãrẽ jõma erbaidua Jesúsba krĩchabʉ kĩrãkʼa krĩchaita. Yi ẽbẽra yarade zʉbʉriabʉbara iduaribisi iya nemitia obadara. 3 Dããraba maraba opanʉta wuabemaraba kayirua opanʉta, k’ãrẽ nemitia pera ẽã dayi kakuaba okĩrãbʉta, mejãcha itua doita, bʉzridanʉmaita itua doi k’area akʉza nekayirua oita nek’ãrẽ oma yiwid’i b’ai k’area. 7 Mamina nek’ãrẽ jõma jõita arak’aitaba. Maʉ̃ k’area bi’ia krĩchabaidua akʉza bi’ia akʉidua mara sãwũã yiwid’ibʉta. 8 Mayirai mejãcha yi kãgapanaidua akʉza kãgabara jõma kĩrãduabʉ kayirua opanʉra. 10 Daizezebara mara aba abaka nebiata diasi, naʉ̃ta zokʼara mayirainʉ yi kʼarebaita nezokʼara bia kĩrãkʼa. Daizezeba iyi biaba so zʉbʉria akʉbʉra dayirãʼa kĩrã awuara ũdubibʉ baera. 11 Abaʉba bedʼeata jarabʉbʉrʉ, bedʼeaibara Daizezeba jarabʉ kĩrãkʼa, abaʉba awuruta kʼarebaibʉrʉ oibara Daizeze zareadeba, ne jõmaʉ̃nẽ Daizeze ʉ̃rʉ ibia bedʼeadamarẽã Jesukristodeba. Iyi abapaiʼabʉrʉ ibia bedʼeaibara akʉza iyabʉrʉ ewari jõmaʉ̃nẽ erbʉ zareata. Amén. 15 Mõbe, maranebema mia abaʉta zʉbʉriada ẽ baibara miabeamia k’area, nezrʉgamia k’area, kayirua obʉ k’area mawũã ẽ bʉrʉ wuabemaraneta jõma k’awuakĩrãbʉ k’area.