Romanos
13 Jõmaʉ̃ta nokʼora edre panaidua, neẽ baera nokʼora Daizezedeba zeda ẽãrãra; nokʼorãrabʉ Daizezeba bʉekʉasi baera ãyi baibaramae. 5 Maʉ̃ba yibia marara nokʼora edre panamarẽã mawũã bari mara zʉbʉria oda ẽ marẽã, awuarabʉrʉ mara krĩcha neneẽã erpanamarẽã. 6 Maʉ̃ba marabara pagapanʉ nokʼoraba widibʉra, yi zokʼapanʉrãra Daizezeba nokʼobabisi baera ãyara ãyi trajora badua opanʉ. 7 Diaidua ãya jõma widibʉra: nekʼãrẽ erbʉbari widibʉra pagaibara, nekʼãrẽ widibʉara diaibara, yi wawiaidebʉra wawiaidua, yi bia akʉdamarẽã widibʉra, bia akʉidua. 8 Mia abaʉ’a debe oraidua awuarabʉrʉ kãgata diaibara; wuabemara kãgabʉbara obʉ leyba jarabʉta. 9 Yi ley («ãĩbarãra, mia bearãra, nezrʉgarãra, nek’ãrẽ yãrãneta erbaita kãgarãra» akʉza wuabema leybʉra) bed’ea abaʉde jarabʉa: «Kãgara wuabemara bʉyikʉza kãgabʉ kĩrãk’a». 10 kãgabʉbara kayirua oẽã wuabemarara. Mawũã kãgaibara jõma aribaebʉa leyta. 13 Kʼẽrẽpa panaidua ewaridebʉ kĩrãkʼa, piestade aukʼara kʼãrẽ orãra, mia beinʉmerãra mia mara kakuara neida oraidua. Krĩna nekayiruata orãra mia yõrãra akʉza jiwarãra.