Ageo

2 «Naʉ̃ta jarabʉ Jeowa gorogorora nok’oba: Naʉ̃ pʉwʉrʉba jarabʉ: wabida ẽ Daizeze Jeowa de parã kʉaira». 3 Akʉza propeta Ageodeba naʉ̃ bed’eata jarasi Jeowabara: 4 «¿Mara mara bigaga mara de bi’ia kĩrũdebʉde mʉ̃ de ãrĩnʉmʉenara? 5 Naʉ̃ta Jeowa gorogorora nok’oba jarabʉ: Bi’ia krĩchaidua maraba onʉmʉta. 6 Marabara nemejãcha unʉmʉ, mamina wiña jʉrepebʉ. Nekobʉmina jãwã ẽ. Bania dobʉmina obisia taʉ ẽ. Wua jʉ̃bʉmina maʉ̃ba jʉ̃wʉrʉa ẽ. Yi ẽbẽra pagapanʉra ãyi tula plata wuagabari zobeabʉ kĩrãk’abʉ». 7 «Naʉ̃ta Jeowa gorogorora nok’oba jarabʉ: Bi’ia krĩchaidua maraba onʉmʉta. 8 »wãidua katumaena, edeidua bakuruta akʉza mʉ̃ dera ara parãidua, mʉ̃ sobia b’aita akʉza mʉ̃a yiwid’idamarẽã, mawũã jarabʉ Jeowaba». 9 «Nek’ãrẽ mejãcha jʉ̃ãpanʉmina, wiña ũdupanʉ. Akʉza ãya erpanʉta deda edesidera, mʉ̃a mesera jõbisi. ¿K’ãrẽa mawũã berabarisi? (abʉ Jeowa gorogorora nok’oba). mʉ̃ dera ãrĩ wã mara jõmaʉ̃ba mãyi de aba abakaʉba akʉnʉmʉena. 10 Kueta ze ẽ basi mara ʉ̃rʉ akʉza drʉaba ne uta dia ẽ basi. 11 Mʉ̃a kue zebi ẽ basi drʉa ʉ̃rʉ, katuma ʉ̃rʉ, neta ʉ̃rʉ akʉza nejõma egorode waribʉ ʉ̃rʉ, yumakẽrã ʉ̃rʉ adewara nedʉwʉrʉ ʉ̃rʉ akʉza nejõma maraba oda ʉ̃rʉ».