Ester

3 Pʉwʉrʉ eda nokʼoba zokʼada jʉ̃ebʉrʉ za, judiorãra mejãcha so pʉa panasi akʉza ayuna panasi, jega panasi adewara jʉra panasi pʉaba. Mejãchaʉta kostal ʉ̃rʉ tadazoa panasi akʉza itarra ʉ̃rʉ. 7 Mardoqueoba jara ũrĩbisi iyi sãwũã berabaridata. Adewara jarasi Hamánba plata sõbe diaibasita nokʼoba plata wuagabari deda, mawũa judiora makenaita. 8 Adewara diasi ley Susade jara ũrĩbida kopiata, nama zokʼabasi judiora jõmaʉ̃ta makenamarẽã. Hatacba maʉ̃ta ũdubibarabasi akʉza jara ũrĩbibarabasi Esterʼa. Adewara iya zokʼaibarasi nokʼo idu jʉ̃ẽmarẽã widita nokʼoʼa iyita bia akʉmarẽã akʉza iyi pʉwʉrʉbari bedʼeaita 12 Mardoqueoba kʼawuaside Esterba kʼãrẽ panʉnata, 13 iya jarasi: «Krĩcharara bʉra nokʼo deda bʉ baera, bei ẽã ẽdrʉita judioraira. 14 Bʉta chupeabidabʉrʉ, judiorãra kʼarebadayi akʉza ẽdrubidayi badumaeba; mamina bʉta akʉza bʉ zeze dedabemara beiyi. Adewara ¿kʼaiba kʼaʉbʉ bʉra nokʼo wẽrãbasita naʉ̃ kʼãwũãnʉmʉne kʼarebaita? 15 Maʉ̃ kʼarea Esterba Mardoqueoʼa panʉsi: 16 «Wãra, judiora Susade panʉrata ãba jʉredara, mõbe mʉ̃bari ayunaidua. Ewari ũbeabayeda akʉza diamasi ũbeabayeda nekoraidua akʉza nekʼãrẽ doraidua. Mʉ̃ta akʉza mʉ̃ nezokʼarasida ayunanañi. Tẽã leyba naʉ̃ta oẽmarẽã jarabʉmina mʉ̃ra nokʼoidu jʉ̃ẽñi. Akʉza beibarabʉrʉ beiyi mʉ̃ra».