Esdras

4 Judá akʉza Benjamín nejʉrarãba ũrĩsidade akʉza jẽda obaramʉta Jeowa templota 2 Aramaʉ̃ta wãsida Zorobabelma akʉza tribuza nok’oma jaraita «Dasida idʉ trajabidua marabawara, daibara kãga mara Daizezera Asiria nok’o Esar-Adonba dai nama wesiedaʉba, mara Daizezea sacripisio opanʉ» 3 Mamina Zorobabel, Jesua akʉza tribuza nok’oraba jarasida: Marabara daibawara dai Daizezeita dera parã ẽ bayi, daibara dai dobaʉba parãnañi Jeowaita dera Persia nok’o Ciroba jarada kĩrãk’a. 4 Aramaʉ̃ta ãyi k’awa panura ẽbẽrabara krĩcha zroma obikʉasida israelitarata mõbe sopʉa osida templota ara oda ẽ marẽã. 5 Jʉrʉsida ẽbẽra buru biarata templo oda ẽ marẽã, mawũã osida Persia nok’o Cirodeba Persia nok’o Dario zeyieda. 6 Nok’o Asueroba zok’a jũdrʉbʉrʉde bed’ea mitiata bʉsida Judá akʉza Jerusalén ʉ̃rʉ 7 Persia nok’o Artajerjesba zok’abasidera Bislam, Mitrídates, Tabeelba kartata bʉ diabʉesida naʉ̃ nok’oa. 11 Naʉ̃ kartade abarika jarabʉ ãya jarada kĩrãk’a) «Nok’o Artajerjes bʉita, bʉ nezok’araba diabʉebʉda do Éufrates juwa’ãkarepanʉba: 12 Daiba kãgapanʉ nok’oba k’awuamarẽã jari israelitarãra bʉmaeba zesi dai bʉmae Jerusalénma, ãyara ara ,onʉmʉ jari pʉwʉrʉ kayiruata, ãyara maparãbodo murota akʉza ara obarabʉ drʉ̃daʉta. 13 Nok’o’a jarapanʉ, ãya maʉ̃ pʉwʉrʉta maparãnara, bʉa mia karẽsida plata diada ẽ baita, naʉ̃ba oyi nok’ora plata mejãcha aduaita. 14 Daira nok’o platabʉrʉ apanʉ baera jipa biga ẽ bayi nok’o nek’ãrẽ biata aduamarẽã, maʉ̃ k’area naʉ̃ kartata zok’abʉda bʉma nok’o, 15 bʉa bi’ia akʉmarẽã akʉza jʉrʉmarẽã bʉ zõrãrã nããbema libroba bʉkuadade mawũã bʉa k’awuayi naʉ̃ pʉwʉrʉra jipa kayiruata, nok’orata bia wãbida ẽãta akʉza yõ kikibadata, maʉ̃ k’area jõma makenasida, 16 maʉ̃ k’area bʉa jarapanʉ nok’o, ãya naʉ̃ pʉwʉrʉta ara ora, bʉa zok’a ẽ bayi do Éufrates juwua’ãkarebʉra.