Salmo

2 Jeowara mʉ̃ mĩrʉ̃bari, mʉ̃ zarea, mʉ̃ ẽdrʉbibari. Mʉ̃ Zeze mʉ̃ mĩrʉ̃bari, iyima mĩrʉ̃bʉ, iyira mʉ̃ jõʉ̃drʉbari, mʉ̃ ẽdrʉbibari zroma, nene ẽã babibʉ iyima mĩrʉ̃bʉrʉde. 6 Mʉ̃ sopʉabʉde trʉ̃si Jeowata, mʉ̃ Daizezeʼa jʉra widibasi mʉ̃ kʼarebamarẽã. Iyi templodeba ũrĩsi mʉ̃ nemita, mʉ̃ kʼarebamarẽã jʉra bedʼeadara jʉ̃ẽsi iyi kʉwʉrʉidu. 25 Ẽbẽrata bʉme kʼẽrẽpabʉbʉrʉ bʉsida iyiʉ̃me kʼẽrẽpabayi; ẽbẽrata bʉme dauchabʉbʉrʉ bʉsida dauchabayi iyiʉ̃me; 27 Edabʉta krĩchabʉbara ẽdrʉbibʉ akʉza ʉ̃tabʉta krĩchabʉra eda babibʉ. 28 Bʉ, Jeowa, mʉ̃ ĩbira pʉreabibʉra, bʉra mʉ̃ Daizeze, mʉ̃ paisosoa ũnabibʉra. 29 Bʉ k’arebadeba mʉ̃ara orrabariseabʉ nezrʉgramiarãra; mʉ̃ra Daizeze zareadeba wãrĩzeseabʉ muro ʉ̃rʉ. 32 Daizeze wãrĩnuarabara mʉ̃a zarea diabʉ akʉza ara obʉ mʉ̃ ota. 35 Bʉa mʉ̃aʼa diabʉ jõʉ̃drʉbari ẽdrʉbaridebemata, bʉ juwaraba kʼarebabʉ mʉ̃ra akʉza bʉa eda ũdubibʉba mʉ̃ta yi zroma babibʉ. 46 Jeowara zokʼaibʉ. Mʉ̃ Mõgara ʉ̃rʉ ibia bedʼeaidua. Daizeze mʉ̃ kʼarebadara yi zroma.