Isaías

30 Mara yi jipa ũrĩkĩrã ẽãra (jarabʉ Jeowaba), marabara obʉ mʉ̃a zokʼada ẽ badata, marara bedʼea abarika zepanʉ mʉ̃ jaure zareaba kʼareba ẽãne, kayirua opanʉne wueta kayirua opanʉ. 9 Marara pʉwʉrʉ jipa ũrĩkĩrã ẽ baera, sewa jarapanʉ, Jeowa leyta ũrĩkĩrã ẽ. 15 Naʉ̃ta jarabʉ Jeowa nejõma zok’aseabʉba, Israel Daizezeba: «Marata mʉ̃ma zera akʉza adu’a jʉ̃ãpanʉbʉrʉ, marara ẽdrʉyi; marara zarea panañi adu’apanʉbʉrʉ akʉza ĩjãbʉta ũdubidara». Mamina marabara maʉ̃ta okĩrã ẽ basi. 18 Mamina Jeowabara jʉ̃ãbʉ mara kʼarebaita akʉza maraʼa so zʉbʉria ũdubiyi, Daizeze Jeowara nekʼãrẽ aripe obʉ baera. Sobiapanʉ iyi jʉ̃ãkĩrã jʉ̃ãpanʉrãra. 19 Pʉwʉrʉ Sionʼnebidade Jerusalénʼne, bʉra wuara jẽga ẽ bayi. Kʼarebamarẽã jʉrabʉrʉdera iya wãrĩnu kʼarebayi, bʉ bedʼea ũrĩbʉrʉde panʉñi. 20 Jeowaba mejãcha krĩcha zroma obibʉmina pan diabʉ kĩrãkʼa akʉza zʉbʉriabibʉmina bania diabʉ kĩrãkʼa, iyi, bʉ Nejaradiabari Biara, wua mĩrʉ ẽ bayi bʉdeba. Bʉa ũduyi bʉ Nejaradiabari Biara bʉyi dabʉba. 21 Akʉza bʉta wãra juwarare mawũã ẽ bʉrʉ juwaʼãkare, bʉyi kʉwʉrʉba ũrĩñi naʉ̃ bedʼeata bʉyi ãbʉdeareba: «Naʉ̃ta yi oara. Naʉ̃ne wãra». 23 Akʉza iyara kueta diayi neta bʉ drʉade ubʉraita akʉza pan drʉaba diabʉra mejãchabayi akʉza warrabayi. Maʉ̃ ewaridera bʉ pakarãra bayi drʉa zromane. 24 Akʉza torora, burrura nama egorode trajabʉbara ãyi yikota kodayi kidua asederabawara puerabʉta, maʉ̃ra palaba ʉ̃ta balbʉedabasibaibara akʉza rastriyoba. 25 Ẽbẽrarã mejãcha beabʉda ewaridera, de ʉ̃tʉ drasoabʉ baebʉrʉdera, jõma katumaranera bayi dota akʉza do zakerata adewara katuma zakeranebida. 26 Jeowaba iyi pʉwʉrʉ pobʉ wuaba bʉrabʉrʉ ewaride akʉza iya mejãcha podata bebibʉrʉde, jedeko ariguewari ũnara ũnañi ũmadaʉ ũna kĩrãkʼa akʉza ũmadaʉ ũnara ewari sietebayeda ũnabʉ kĩrãkʼabayi.