Hebreos

11 Maʉ̃ kʼarea, nejõma odrʉ maʉ̃ enaʉ̃bʉde eda bʼaita, mawũã miõta baeda ẽ marẽã abarika yi ũrĩna ẽ bawara. 12 Wãrĩnu Daizeze Bed’eara zok’aibʉ akʉza zareabarabʉ. Adewara kucho kida ũme erabʉ kĩrãk’a pewedeabʉ, dayi jaureidu jʉ̃ẽbibʉ, dayi kõra kõrata akʉza dayi bʉwʉrʉ morrota ẽzadra drabʉ kĩrãkʼabʉ akʉza ũdubiseabʉ daya kʼãrẽ krĩchabʉta akʉza dayi sode kʼãrẽta erbʉta. 14 Dayirãba erpanʉ baera saserdote yi zroma ʉ̃ta wãnata bajãena, (Daizeze Warra Jesuta), wãrĩnu jaradiadadrʉ iyi ʉ̃rʉ. 15 Dayirãba erpanʉ baera saserdote yi zromata iyara dayirãra so zʉbʉria akʉbʉ dayirã zʉbʉria k’area, dayirã kĩrãk’a zʉbʉriade berabarisi, mamina iyira kayirua okabasi. 16 Maʉ̃ k’area orradadrʉ k’ãrẽ bed’ea neẽã iyi biaba karebabʉ jewedabarita mawũã so zʉbʉria akʉmarẽã akʉza iyi biaba k’arebamarẽã dayirãba nesidabʉdade.