Salmo

37 Kĩrʉrãra ẽbẽra kayirua kʼarea akʉza okĩrãrara ẽbẽra kayiruaba obʉta. 2 Ãyira bagudayi meserabai chirua kĩrãkʼa, chirua biʼia pawara kiru kĩrãkʼa baguyi. 3 Ĩjãra Jeowara akʉza ora nebiata; bara naʉ̃ drʉade akʉza jõma nek’ãrẽra kʼẽrẽpa ora. 4 Akʉza sobiade ora Jeowaba zok’abʉta, iya diayi bʉ soba kãgabʉta. 5 Bʉ ora jõma Jeowa juwade amaera, ĩjãra iyita akʉza iya bʉta kʼarebayi. 7 Jeowa nãã chupea bara akʉza iyita sobia jʉ̃ãra. Ẽbẽra kayiruaba obʉta bia wã kʼarea kĩrʉrãra. 9 Ẽbẽra kayiruarãra jipa makenañi mamina Jeowa jʉ̃apanʉrãra naʉ̃ drʉade panañi. 10 Aranʉbai neẽbayi jipa so kayiruaberãra, bʉa jʉrʉyi so kayiruabidabarimae, mamina ũdu ẽ bayi. 11 Mamina ẽbẽra biarãra panañi egorode, ãyira ewari jõmaʉ̃nẽ jipa neneẽã panañi. 19 Ẽbẽra biaratrʉ duanañi maʉ̃ drʉadera, akʉza ewari jõmabayi maʉ̃ ʉ̃rʉra 25 Mʉ̃ra warrara basi atiara mʉ̃ra zõrãrã, mamina mʉ̃ara ũduka ẽbẽra kʼẽrẽpabʉra doba amʉepanʉta, mia yi wũãwũãrasida pan jʉrʉbʉta. 28 Jeowabara kãga nek’ãrẽ aripe oita akʉza ẽbẽra iyiʉ̃me k’ẽrẽpabʉra idubʉ ẽ 29 Ẽbẽra biaratrʉ duanañi maʉ̃ drʉadera akʉza ewari jõmaʉ̃nẽbayi maʉ̃ ʉ̃rʉra. 34 Jʉ̃ãra Jeowa kʼarebata akʉza iyi ode panaidua, iyara ewari jõmaʉ̃nẽ kʼarebabaya mawũã egorobia diaya, ẽbẽra kayirua makenabʉrʉra bʉa ũduya. 37 Bi’ia akʉra yumakẽrã jõma aripe obʉta akʉza bera akʉrãra yumakẽrãba k’ẽrẽpa obʉta, naʉ̃ yumakẽrã ʉ̃ra zeide adu’a b’ai baera.