Romanos

5 Mawũẽra aripe obʉta akʉsida dayirãba ĩjãbʉ kʼarea, Jesukristodeba Daizezeʉ̃me aduʼa neneẽãpanadrʉ, 2 iyideba dayirãba ĩjãseapanʉ Daizezeba nebia diaita, maʉ̃ kʼarea idira bia berabaripanʉ. Akʉza sobiadadrʉ jʉ̃ãpanʉ baera Daizezeba nekĩrãwãreã diaita. 3 Adewara sobiaipanadrʉ bedʼea zroma ũdubʉdadera, kʼawuapanʉ baera bedʼea zroma ũdubʉrʉde awuantaita erbabibʉ baera; 4 Awuanta panʉbʉrʉ Daizezeba bia akʉbʉ, akʉza Daizezeba bia akʉbʉru nebiata jʉ̃ãbibʉ. 5 akʉza ʉ̃ra zei jʉ̃ãpanʉbara sewakʉa ẽ; Daizezebara kãgara dayirã sode diasi, jaure zarea dayirãʼa diadadeba. 8 Mawũãmina, Daizezebara iya dayirã’a kãgata ũdubibʉrʉta: wabida kayirua omiatabʉmina Kristora beibisia dayirãbari. 12 K’ãwũã yumakẽrã abaʉdeba nekayiruara zesi naʉ̃ drʉa jõmaʉ̃nẽ, mawũã nekayiruadeba jõmaʉ̃ta beibarita amaesi akʉza maʉ̃neba ẽbẽrarã jõmaʉ̃ta beipanʉ, jõmaʉ̃ta nekayirua omia baera. 19 Yumakẽrã abaʉba ũrĩ ẽ basi baera ẽbẽra jõmaʉ̃ta nekayirua omia, maʉ̃ kĩrãk’a yumakẽrã abaʉba ũrĩsi baera jõmaʉ̃ta ẽbẽra biabayi.