Colosenses

3 Mara bari yiwidʼibʉrʉdera, ewari jõmaʉ̃nẽ biga diapanʉ Daizezeʼa, Jesukristo zeze, 4 Daibara ũrĩpanʉ marabara ĩjãbʉta Jesura akʉza Daizeze pʉwʉrʉʼa kãga ũdubipanʉta 5 maraba nebiata ʉ̃tʉ jʉ̃ãbʉ kʼarea. Marabara maʉ̃ nebia jʉ̃ãbʉ ʉ̃rʉ ũrĩsida, wãrĩnuta jaradiabʉdeba, bedʼea bia 6 marainʉ jʉ̃ẽna ʉ̃rʉ. Maʉ̃ bedʼea bia drʉaza wãri wã neta zaʉbʉ kĩrãkʼa. Marabara ũrĩsida akʉza kʼawuasida Daizezeba iyi biaba sãwũã so zʉbʉria akʉsita, maʉ̃neba yẽta marara neta zaʉbʉ kĩrãkʼabʉ. 9 Daiba ũrĩna neba yẽta, marabari ewariza yiwid’ipanʉ, akʉza widipanʉ iya okĩrãbʉra jõma mara k’awuabimarẽã adewara krĩcha bia diamarẽã, akʉza jauredebemasida jõma ũrĩbimarẽã. 10 mawũã Jeowaba kãgabʉde bʼaidua, iyira sobiabayi maraba nebiata obʉ baera akʉza iyi ʉ̃rʉ audre kʼawua wã baera. 11 Akʉza widipanʉ iyi zarea zromaneba, mara diamarẽã mejãcha zareata jõma awuantaita jʉ̃ã k’awuabʉdeba akʉza sobiabʉdeba. 15 Iyideba ũdupanʉ Daizeze daya ũdukara, iyitrʉ nããra parãsi nekʼãrẽ jõmabʉ parãina weda. 16 Daizezeba iyideba nekʼãrẽ jõma osi bajãta akʉza naʉ̃ ẽjũãta, daya ũdubarita daya ũdukata, adewara yi bururata, yi zromarata, nokʼorata, jenenerata. Daizezebara jõma osi iyideba akʉza jõma iyita.