Revelación

20 Ũdusi Angel aba bajãneba ajirabʉta, iyara uria daʉkʉrenʉmʉ jʉ̃ãtrʉbʉ ewabarita abasi, adewara kadena borrõgoachuta ero ajirabasi iyi juwade. 2 Iyara jidasi damata maʉ̃ra Diarʉ iyabaʉta Satanás, maʉ̃ra jʉ̃nʉmʉsi mil poagabayeda. 3 Maʉ̃ Angel bajãneba zedaba uria daʉkʉrenʉmʉma bata bʉesi, mõbe joatrʉkʉbʉsi mia abaʉba ewada ẽãta, mawũã maʉ̃ Diarʉba wua sewakʉa ẽ marẽã mil poagabayeda, mil poagababʉrʉdera iyira ewa bʉeyi dããra ba ẽãta. 11 Ũdusi bʉgue zroma torrota akʉza yi maʉ̃ ʉ̃rʉ jewedabʉsida. Drʉata akʉza bajãta iyi maeba wãsida akʉza maʉ̃ta wua ũduda ẽ basi. 12 Ũdusi beidapeadarata (yi zromarata akʉza wiñapanʉrata) bʉgue nãã edaʉbarabʉta akʉza ewasida karta yiwidita. Mamina awuru kartata ewasida karta bebʉdebemata, maʉ̃ kartade bʉchʉbʉde k’awua osida beidapeadarata. 13 Pusabara jẽda diasi beidapeadara, akʉza beiba, akʉza Bewãrãdeba jẽda diasi beidapeadara, maʉ̃ tẽã k’awua osida ãyi aba abaka ãya obadadeba. 14 Beita akʉza Bewãrã deta bata bʉesida do pʉrea pʉreabarieda, do pʉrea pʉreabarira jarakĩrãbʉ beida ũmebata. 15 Adewara yi ẽbẽrarã bebʉ librode trʉ̃ neẽãra do pʉreade balbʉesida.