2 Corintios

3 Biga diadrʉ Daizezeʼa akʉza Jesukristo Zezeʼa, Zeze dayirã kãga akʉbʉa akʉza Daizeze dayirã so zarea diabaria. 4 So zarea diabʉ dayirã zʉbʉria zebʉrʉza, dayirãbida so zarea diabara yi zʉbʉria zebʉrʉrata, Daizezeba dayirã so zarea diabʉdeba. 8 Mebẽrã k’ãgapanʉ maraba k’awuadamarẽã daiba k’ãrẽ bed’ea zroma erpananata pʉwʉrʉ Asiade. Bed’ea zroma mejãcha erpanasi dai dobaʉba obeda ẽãta, krĩchasida daira beita. 9 Daira sentipanʉ k’ãrẽ obeda ẽãta dai bebʉ ẽdrʉbira, naʉ̃ra berabarisi dayikʉza ĩjãna ẽ marẽã, awuarabʉrʉ Daizeze, beida jẽda piradrʉbibʉta ĩjãnamarẽã. 10 Iya ẽdrʉbisi dai beaideba akʉza ẽdrʉbiyi iyara, mawũẽra soidʉba ĩjãpanʉ iya ẽdrʉbibaita. 11 Marabara k’arebaseabʉ dai k’area Daizeze’a yiwid’ibʉde, mawũã mejãchaʉba biga diadayi Daizeze’a daita ẽdrʉbisi baera akʉza ãyi yiwid’ibʉ bed’eata ũrĩsi baera. 20 Krĩcha ẽã kʼãrẽababʉta Daizezeba nebia weya abʉra, maʉ̃ra zeyi iyideba. Maʉ̃ kʼarea dayirãbida Daizezeʼa amén apanʉ iyideba, maʉ̃ba ibia bedʼeabibʉ iyi ʉ̃rʉ dayirãneba. 24 Mʉ̃a jara ẽ, daira maraba ĩjãbʉ yibarita (marara zareapanʉ maya ĩjãpanʉba), awuarabʉrʉ daibara kʼarebabʉ marata sobia panamarẽã.