Romanos
2 Bari jaraita, Abrahánta jarasidabʉrʉ iya obʉ kʼarea ãrĩpe obʉta, kʼãrẽa ʉ̃tabʉta krĩchaira erbakasi, mamina Daizeze nããra mawũã ẽ bakasi. 3 ¿Kʼãrẽta jarabʉ Daizeze Bedʼeabara? «Abrahánbara soiduba ĩjãsi Jeowara, maʉ̃ kʼarea aripe obʉta akʉsi». 4 Mawũẽra, yi traja panʉara bari so zʉbʉria akʉ kʼãrãpe diada ẽ platara, awuarabʉrʉ diapanʉ iyi trajadabari. 6 Adewara Davidbida jara ũrĩbibʉ ẽbẽra sobiabʉta Daizeze nãã kʼẽrẽpabʉta, mamina mawũã obʉ ẽ iya nekʼãrẽ obʉ kʼarea: 7 «Sobiapanʉ yi ãya kayirua oda kĩrãduadapeadara akʉza ãyi kayirua jẽda kĩrãbeda ẽãrata, 8 sobiabʉ yumakẽrã Jeowaba iyi nekayirua jẽda widi ẽãne». 12 Akʉza sirkunsidapanʉra zeze bamarea, bari sinkunsision ʉ̃rʉ ĩjãpanʉra zeze ẽ awuarabʉrʉ Abrahán sinkunsidai nãã ĩjãbada kĩrãkʼa ĩjãpanʉra zeze. 18 Ĩjã ẽ basimina, iya ĩjãbʉde jʉ̃ãbasi akʉza ĩjãsi pʉwʉrʉra zeze bʼaita iyira, jaradapeada kĩrãkʼa: «Kʼãwũã mejãcha bayi bʉdeba zebʉrʉra». 20 Mamina iyara ĩjã ẽ nʉma ẽ basi Daizezeba diaya abʉra, awuarabʉrʉ iya ĩjãbʉdeba yi zroma basi akʉza Daizeze ʉ̃rʉ ibia bedʼeabisi.