Daniel
10 Mamina, Danielba kʼawua kʼãrãpe nokʼoba ley bʉdata, iyira iyi deda wãsi, iyara korra kʼãĩbaridebema bentanata ewa erbasi Jerusalénma wãbarima. Nrʉemaza sãkokode yiwidʼima ũbea yiwidʼibasi akʉza bedʼeabasi Daizezeʼa, nãã obada kĩrãkʼa. 11 Maʉ̃ne naʉ̃ra yumakẽrãrãra audre ẽãne iyi deidu jʉ̃ẽsida, mõbe ũdu jʉ̃ẽsida Daniel newidinʉmʉta Daizezeʼa akʉza yiwidʼinʉmʉta. 22 Mʉ̃ Zeze ʉ̃tʉbemaba angel aba zok’a bʉesi, leonba ko ẽ marẽã, mawũã neida oẽbasi, iyi nãã nek’ãrẽ mitia oẽbasi baera, nok’o akʉza bʉ nããbida nek’ãrẽ mitia oẽ baera. 26 Mʉ̃a mara jarayi, ẽbẽra jõmaʉ̃ba wawia ũdubidaibara Daniel Daizezera. Naʉ̃ra Daizezeara baera akʉza ewari jõmaʉ̃nẽ bakikibari baera. Iyi nokʼora jõkabayi akʉza ewari jõmaʉ̃nẽ zokʼabayi. 27 Iya kʼarebabʉ, ẽdrʉbibʉ akʉza mia kʼaiba okata oũdubibʉ ʉ̃tʉ bajãne akʉza egorode. Iya kʼarebasi Danielʼra leon ideba ẽdrʉita».