Salmo

56 Daizeze mʉ̃ta bia akʉra, ẽbẽra beibaribʉba mʉ̃ta pẽwãnʉ. Ewari jõmaʉ̃nẽ mʉ̃me yõpanʉ akʉza mʉ̃ta zʉbʉria opanʉ. 2 Mʉ̃ nejʉrarabara badua pẽwãpanʉ mʉ̃ra; mejãchaʉta yõpanʉ mʉ̃me. 3 Mʉ̃ perabʉdera, bʉta ĩjãbʉ. 4 Daizezeta (kãga bʉ bedʼeata), Daizezede ĩjãbʉ; mʉ̃ra pera ẽ. ¿Kʼãrẽta oseabʉ ẽbẽrabara mʉ̃ra? 8 Bʉa kʼaʉchu mʉ̃ kʼãrẽaba mĩrʉ wã abarita. Mʉ̃ daʉbara bʉara jibadode tʉ erbʉ. ¿Bʉara maʉ̃ra bʉ librode bʉ erbʉ ẽka? 9 Mʉ̃a kʼareba widibʉrʉdera, mʉ̃ nejʉrarãra jẽda wãñi. Mʉ̃a naʉ̃ ʉ̃rʉ soiduba ĩjãbʉ: Daizezera mʉ̃are bʉa. 10 Daizeze ʉ̃rʉ ( ibia bedʼeabʉ iyi ʉ̃rʉ), Jeowa ʉ̃rʉ ( ibia bedʼeabʉ iyi ʉ̃rʉ). 11 Mʉ̃ara Daizeze ʉ̃rʉ ĩjãbʉ. Pera ẽ mʉ̃ra. ¿Kʼãrẽta sãwũã oseabʉ ẽbẽrarãbara mʉ̃ra? 12 Daizeze mʉ̃a bʉaʼa oya adara aripe oyi. Akʉza bigata diayi bʉaʼa. 13 Bʉa mʉ̃ta ẽdrʉbisi baera beideba akʉza kʼarebabʉ mʉ̃ tenedrʉ ẽ baita, mawũa Daizeze nãã bʼaita.