1 Juan

4 Mʉ̃ warrara, marara Daizezedeba zebʉrʉa akʉza mara juwa edre baebibʉrʉa ãyira maraʉ̃me ãbabʉra audre yi zromara baera naʉ̃ drʉaʉ̃me ãbabʉira. 6 Dayirãra zesi Daizezedeba. Adewara badu ẽbẽraba ũduk’awuabʉbʉrʉ Daizezeta iya ũrĩbʉ dayirã bed’eara mamina Daizezedeba ze ẽ bʉrʉ ũrĩ ẽ. Maʉ̃ba Daibara k’awuapanʉ saʉ̃ta wãrĩnuneba zebʉta akʉza saʉ̃ta sewidadeba zebʉta. 7 Mʉ̃a kãgabʉrãra, yiya kãgabʉta ũdubidadrʉ, kãgara Daizezede baera, yi kãga erpanʉra Daizezedeba zeda akʉza maʉ̃rabʉrʉ wãrĩnu ũdukau Daizezera. 8 Yi kãga neẽãra Daizeze ũduka, Daizezera kãga baera. 9 Daizezebara iyi kãgara dayirã ũdubisi yi Warra ababʉdeba, iya nama uda zok’a bʉeside dayirãta ewari jõmaʉ̃nẽ zokʼaipanamarẽã yi Warradeba. 10 Kãgaba jarakĩrãbʉ: dayirãba Daizezeta kãga basi ẽ, awuarabʉrʉ iyabʉrʉ dayirãta kãgasi akʉza zokʼasi iyi Warrata dayirã nemitia jõmaʉ̃bari sakripisio omarẽã. 11 Mebẽrãra, Daizezeba mawũã kãga basibʉrʉ dayirãta, mõbera dayirãsida abarika yiya kãgadaibara. 19 Daibara kãgapanʉ iya nããra kãgabasi baera dayirãta 20 Ũkʉrʉba jarara «Daizezera mʉ̃a kãga», mamina yi mebẽãta jʉrabʉbʉrʉ, maʉ̃ra sewida. Yi mebẽã kãga ẽãra iya ũdubʉta, Daizezearara kãga ẽ ũdu ẽ baera. 21 Iya dayirã naʉ̃ta zokʼasi: yi Daizeze kãgabʉbara yi mebẽãsida kãgaibara.