Salmo

23 Jeowara obeja akʉbari, maʉ̃ba mʉ̃ra nekʼãrẽ wae ẽ bayi. 2 Chirua pãwãra tabʉde bʉa mʉ̃ta enaʉ̃biyi, enaʉ̃ita edebʉ do kʼawa. 3 Mʉ̃ta zareabibʉ. Mʉ̃ta ode jipa wãbibʉ iyi trʉ̃ kʼarea. 4 Mʉ̃ o pãrĩguade wãmina pera ẽ bayi yi kayirua kʼareara, bʉra mʉ̃mebʉ baera, bʉ bakuru kʼarebabariba akʉza jʉre edebariba mʉ̃aʼa zowaĩnĩgʉata diabʉ. 5 Mʉ̃ita yikota obʉ mʉ̃ nejʉrara kĩrãbita. Mʉ̃ buru ʉ̃rʉ aseiteta weabʉ, mʉ̃ kopara birabʉ. 6 Bʉ nebiata akʉza bʉ kãgara mʉ̃me ewari jõmabayi mʉ̃ zokʼai bʉeda, ewariza bayi Jeowa deda.