Mateo
3 «Sobiapanʉ Daizezedebema audre kʼawuakĩrãpanʉta, maʉ̃rata eda bʼai baera Daizeze Nokʼode. 4 »Sobiabʉ yi zʉbʉriapanʉrãra ãyaʼa zowaĩnĩgʉata diadai baera. 5 »Sobiapanʉ yi ibiade panʉra, maʉ̃ratrʉ drʉade panai baera. 6 »Sobiapanʉ yi jõma aripe omarẽã kãgapanʉrãra, ãya kãgapanʉra aripe berabaribiyi. 7 Sobiapanʉ sozʉbʉria akʉbʉrʉrãra, Daizezeba sozʉbʉria akʉyi ãyira. 9 Yi aduʼa babipanʉra sobiapanʉ, maʉ̃rara Daizeze warrara adai baera. 10 Sobiapanʉ nebia obʉ kʼarea pẽwãpanʉra, Daizeze Nokʼora ãyide baera. 11 Marara sobiaidua mʉ̃ kʼarea ijʉra jarabʉdadera, pẽwãbʉdadera akʉza sewa nebʉradeba imitia jarabʉdade mara ʉ̃rʉ. 12 Mejãchade sobiapanaidua mara nebia zroma ʉ̃tʉra mejãchabʉ baera. Nããbema propetarabadarasida mara kĩrãkʼa pẽwãsida baera abarika. 14 Naʉ̃ ẽjũãnera marara ũna kĩrãkʼa bea. Pʉwʉrʉ katʉma ʉ̃rʉ bʉra mĩrʉ be ẽ. 15 Mia abaʉba ĩbira koape ẽzroma edre merabʉ ẽ, awuarabʉrʉ ʉ̃tʉ bʉebʉ mawũã deda panʉra jõmaʉ̃ta ũnamarẽã. 16 Aramaʉ̃ kĩrãkʼa mara ũnata ũnabidua wuabemara kĩrãbita, mawũã wuabemaraba maraba nebia obʉta ũdudamarẽã, maʉ̃neba ibia bedʼeadamarẽã mara Zeze ʉ̃trebʉ ʉ̃rʉ. 23 Oprenda ode jʉ̃ẽbʉrʉde kĩrãbera bʉ mebẽãta bʉme bed’eakasita, 24 bʉ oprenda oibadara idubʉ kʼãrãpe nããra wãra bʉ mebẽãidu maʉ̃ ara ode, mõbe jẽda ze kʼãrãpe diara bʉ oprendara. 29 Maʉ̃ba bʉ dabʉ juwararebemaba bʉta kayiruade baebitabʉbʉrʉ ãĩ bʉera akʉza jĩga balbʉera. Audre biga bayi bʉ kakuadebema abaʉta aduaita bʉ kakua jõma Gehenane aduai kaude. 30 Abarika bʉ juwaraba bʉta kayiruade baebitabʉbʉrʉ tʉtara akʉza jĩga balbʉera. Audre bika bayi bʉ kakuadebema abaʉta aduaita bʉ kakua jõma Gehenane aduai kʼaude. 33 Adewara marabara yi ũrĩma zõrãrãena jaradata: Sewata wãrĩnu aribaeya arara, awuarabʉrʉ aribaera Jeowa daidu wãrĩnu aribaeya adara 43 Maraba ũrĩsi jarabarisidata: ‹Kãgara wuabemarara akʉza jʉrada bʉ nejʉrara›. 44 Mamina mʉ̃a jarayi kãgadamarẽã mara nejʉrarãra akʉza mara pẽwãpanʉ kʼarea yiwidʼidamarẽã. 45 Mawũãtrʉ ũdubidayi marara mara Zeze ʉ̃tʉ bajãnebʉ warrarãta, Iyara iyi bisiara ʉ̃tʉzebibʉ baera yi kayiruara ʉ̃rʉ akʉza yi biara ʉ̃rʉ akʉza kuera zebibʉ ẽbẽra kayiruara ʉ̃rʉ akʉza ẽbẽra biara ʉ̃rʉ.