Salmo

103 Mʉ̃ bebʉ, Jeowa ʉ̃rʉ ibia bedʼeara; mʉ̃ne jõmabʉba Jeowa trʉ̃ ʉ̃rʉ ibia bedʼeayi. 2 Mʉ̃yikʉza ibia bed’ebira Jeowa’a; mʉ̃a kĩrãdua ẽ baita iya k’ãrẽ odara. 5 bʉ bebʉ mejãcha sobiabibʉ nek’ãrẽ biaba, bʉra warrara nejõbʉ jẽda kara obari kĩrãk’a. 7 Moisésʼa jaradiasi iyi ota akʉza isrealitara warrara jaradiasi iya oseabʉta, 8 Jeowabara kãga akʉbʉ akʉza kĩrʉmia ẽ akʉza mesera kĩrʉ ẽ, adewara kãga jõkata erbʉ 9 Ewari jõmaʉ̃ne dayirã kayirua odata jaranʉmʉ ẽ akʉza ewari jõmaʉ̃nẽ maʉ̃ta jẽda krĩchanʉmʉ ẽ. 10 Dayirã kayirua omiamina Daizezebara zʉbʉria oẽ dayirã nemitia kʼãrẽa. 11 Bajã ʉ̃tʉnʉmʉ kĩrãkʼa egorodeba, maʉ̃ kĩrãkʼa yi zroma iyi kãga jõkara iyi wawiapanʉra ʉ̃rʉra. 12 Ũmadaʉ ʉ̃tʉ zebʉra jigabʉ ũmadaʉ baebʉmaebara, maʉ̃ kĩrãkʼa jĩgabʉ kʼãrẽ dayirã nemitiara. 13 Abarika yi zeze abaʉba yi wũãwũãra so zʉbʉria ũdubibʉ kĩrãkʼa Jeowabida so zʉbʉria ũdubibʉ iyaʼa wawia ũdubipanʉara. 14 Iyara k’awuabʉ baera dayirã sãwũã parãnata, maʉ̃ba kĩrãbebʉ dayirãra egoro omata. 17 Mamina, Jeowa kãga jõkara ewari jõmaʉ̃ita yi wawia ũdubipanʉraitara akʉza iya nekʼãrẽ aripe obʉbara arabʉ mara warrara warrarainʉ, 20 Biga diaidua Jeowa’a, angelera, mejãcha zareabarapanʉ, iya jarabʉta opanʉbaera, iyi nemi ũrĩpanʉneba.