1 Timoteo
3 Naʉ̃ra yibia akʉza Daizeze dayira ẽdrʉbibʉba kãga. 4 iyara kãgabʉ jõmaʉ̃ba kʼawuadamarẽã wãrĩnuta akʉza ẽbẽra jõmaʉ̃ta ẽdrʉmarẽã. 5 Abapaibʉ Daizezera akʉza ẽbẽra ababʉ Daizezeʉ̃me bed’eabʉra wuabemara ẽbẽrabari: maʉ̃ra Kristo Jesu, 6 iyi bebʉta diasi jõma ẽbẽrarã ẽdrʉbita. Naʉ̃ ʉ̃rʉ kʼawuadayi naʉ̃ kʼawuadai ewaride. 9 Akʉza wẽrãrara bi’ia wua jʉ̃naibara, neida wua jũ ẽ baibara akʉza k’ẽrẽpa wua jũĩbara, bʉdara aukʼara k’abe ẽ adewara jʉ̃be ẽ orota akʉza perlata adewara wua mejãchabari edadata, 10 awuarabʉrʉ nebia obʉdeba, wẽrãrara wãrĩnu Daizeze odebʉ kĩrãkʼa. 12 Mʉ̃ara iduaribi ẽ yuwẽrãba jaradiamarẽãra akʉza yumakẽrã nejõmaʉ̃nẽ zokʼamarẽã; awuarabʉrʉ chupeabaibara. 13 Nããra parãsida baera Adánta maʉ̃are Evata. 14 Adewara Adan’ra sewada ẽ basi, awuarabʉrʉ yuwẽrãtrʉ jipa sewasida mawũã nekayirua omiabasi.