Juan

17 Jesuba maʉ̃ta jara k’ãrãpe ʉ̃ta akʉ yiwid’isi mõbe jarasi: Zeze ewarira arabasia, mawũẽra k’awuabira mʉ̃ra bʉ Warra yi zromata, mawũã mʉ̃ bʉ Warrabida k’awuayi bʉra yi zromata. 2 Yãrã jõma ʉ̃rʉ bʉa mʉ̃a zareata diasia, mawũã mʉ̃a ewari jõmaʉ̃nẽ babita ẽbẽrarã bʉa mʉ̃a diada. 3 Ewari jõmaʉ̃nẽ b’aira ũduk’awuadaibara, bʉta Daizeze wãrĩnuara abapai bʉta akʉza Jesucristo bʉa zok’adata. 4 Mʉ̃ara bʉra yi zromata k’awua biganʉmʉa naʉ̃ drʉade, bʉa jaradara jõma aribaebʉrʉa. 5 K’õbebʉrʉ Zeze, mʉ̃ra bʉ k’aita yi zromata babira, bʉme yi zromata bada kĩrãk’a naʉ̃ drʉa parãi naena. 6 »Mʉ̃a ũdukʼawuabisi bʉ trʉ̃ra, jari bʉa mʉ̃aʼa diada drʉadebema. Bʉrebadata mʉ̃aʼa diasi akʉza ãya bʉa jaradata ũrĩpanʉ. 12 Mʉ̃ ãyibawara basidera mʉ̃a akʉbasi ãyira bʉ zareadeba, mawũã biʼia akʉbasi mawũã ãyira mia abaʉta neida berabarida emarẽã, maʉ̃ranebema abaʉbʉrʉ ĩjãẽbasi. Propesiaba jaradara mawũã aripe berabarisi. 14 Mʉ̃ara bʉ bed’eata jarabʉrʉa, mamina naʉ̃ drʉadebemabara jʉradea marara naʉ̃ drʉadebema ẽ baera, mʉ̃ kĩrãk’a. 15 Mʉ̃ara widi ẽ bʉa naʉ̃ drʉadebema ãĩ jʉre edemarẽã, awuarabʉrʉ widibʉ k’arebamarẽã Diaru juwadeba. 16 Ãyira naʉ̃ drʉadebema ẽ, mʉ̃ta naʉ̃ drʉadebema ẽ kĩrãk’a. 17 Bʉ bed’eabara wãrĩnuta jaradiabʉ akʉza naʉ̃ba jĩga babibʉ kayiruadeba. 18 Bʉa mʉ̃ta naʉ̃ drʉa eda zok’ada kĩrãk’a, mʉ̃abida ãyira zok’abʉra naʉ̃ drʉa eda. 19 Mʉ̃ra jĩgabʉ nemitia oidebara mara k’area, marasida abarika jĩga bamarẽã wãrĩnu k’area. 26 Mʉ̃a ũduk’awuabisi bʉ trʉ̃ra, adewara ũdukʼawuabiyi, bʉa mʉ̃ kãgada kĩrãk’a kãgamarẽã ãyisida, mʉ̃ra mawũã ãyibawara baya.