Génesis

3 Jeowaba nedʉwʉrʉ jõma odadebemata damabʉrʉ mesera sewabasi, aramaʉ̃ta jarasi yuwẽrã: «¿Wãrĩnuka Daizezeba jaradara mara neta ko ẽ bamarẽã ẽjũã kĩrãwãreãnẽ jõmabʉra?». 2 Aramaʉ̃ta, yuwẽrãba jarasi dama’a: «Neta ẽjũã kĩrãwãreãnẽbʉra koseapanʉ. 3 Mamina ẽjũã kĩrãwãreã ẽzadra bakurude netabʉra, Daizezeba jarasi: «Maʉ̃nebemara kobe ẽ, mia k’ãrẽsida tõbaribe ẽ bei ẽ marẽã». 4 Aramaʉ̃ta damaba jarasi yuwẽrã’a: «Wãrĩnubaira bʉra bei ẽ baya. 5 Daizezebara kaʉbʉ maʉ̃ kobʉrʉ ewaridera daʉ ogadrʉtotoita akʉza Daizeze kĩrãk’a b’aita, ũduk’awuaita saʉ̃ta yibiata akʉza saʉ̃ta yibia ẽãta». 6 Yuwẽrãbara ũdusi bakurude netabʉra koi bi’ia kiruta, maʉ̃ k’ãrẽa iya mejãcha kokĩrãbasi baera bʉedasi, mõbebʉrʉ kosi, maʉ̃are diasi yi kima ãyi yi ũdusidade, maʉ̃bida kosi. 15 Mʉ̃a oyi bʉta yuwẽrãʉ̃me nejʉra badamarẽã akʉza bʉdeba zedarata iyideba zedarabawara nejʉra badamarẽã. Yuwẽrãneba zedaraba bʉ buruta birachiyi mawũã bʉa kayi jĩrʉ ãbidarrama. 16 Maʉ̃ tẽã Daizezebara jarasi yuwẽrã’a: «Bʉ biogobʉrʉdera audre zʉbʉriabayi akʉza bʉ tobʉrʉdera mejãcha puabayi, bʉra bʉ kimaʉ̃me mejãcha bakĩrãbayi ãba akʉza bʉra iyi juwa edrebayi». 17 Akʉza Adan’a jarasi: «bʉa bʉ kima bed’eata ũrĩsi baera adewara maʉ̃ neta ko ẽ bamarẽã jaradata kosi baera, maʉ̃ba egorodera bia zaʉ ẽ bayi. Adewara bʉra mejacha trajabayi yiko jʉrʉita, ewari jõmaʉ̃nẽ. 18 Maʉ̃ egorodeba pawarañi chirua kayiruata, uruta akʉza mawũã koyi ne u bʉa udara. 19 Jʉazoa trajara bʉyi nekoita, egoro bayi eda, bʉra mamaʉ̃ba zesi baera. Egoro oma baera akʉza egorobaya 23 Mawũã Jeowabara jʉretasi ẽjũã kĩrãwãrẽãnebara, mawũã traja nekomarẽã drʉamitiade 24 Naʉ̃ yumakẽrãra jʉretasi egoro biadebara, maʉ̃ kʼarea kerubinerata ũme bʉsi maʉ̃ra kʼaitara kuchota purea burburbarisi ãyita jẽda zeda ẽ marẽã egoro biaeda.