Nehemías
5 Akʉza lebitara Jesúa, Cadmiel, Baní, Hasabneya, Serebías, Hodías, Sebanías akʉza Petahías jarasida: «Piradrʉidua akʉza ewari jõmaʉ̃nẽ ibia bedʼeaidua mara Daizeze Jeowa ʉ̃rʉ. Daizeze bʉ trʉ̃ra yi zroma bʼaidebʉa, maʉ̃ra audre yi zroma baera nekʼãrẽ biaira akʉza nekʼãrẽ ibia jarabʉira. 6 Bʉtrʉ abapai Jeowa. Bʉa parãsi bajãrãra, bajãnʉmʉ bajãrata akʉza jõma iyi gorogorata. Naʉ̃ drʉasida parãsi akʉza ne jõma namabʉta, puzarata adewara nejõma maʉ̃ne edabʉta. Ãyi jõma bʉa zokʼai erbʉ. Gorogorora bajãranepanʉrãra sankokodepanʉ bʉ kĩrãbita.