Hechos

15 Aramaʉ̃ta ʉ̃kʉrʉ yumakẽrãrata zesida Judeadeba akʉza jaradiasida mebẽrã: «Yumakẽrã kakuata kõ ẽ bʉrʉ Moisésba jarada kĩrãkʼa, mawũãra ẽdrʉbe ẽ». 2 Pablo Bernabeʉ̃mera abarika krĩcha ẽ basi ãyibawarara, mejãcha bedʼeade yõna tẽã, jarasida Pablota Bernabeta akʉza wuabemara zõrãrãta wãnamarẽã apostol akʉza zõrãrã Jerusalenebema chuidu, maʉ̃ bedʼea ʉ̃rʉ bedʼeaita. 6 Mawũẽra apostolerãra zõrãrãʉ̃me ãba yi jʉresida naʉ̃ ʉ̃rʉ bedʼeadaita. 12 Maʉ̃ ũrĩbʉdaba ãba jʉrepanʉra chupeasida, aramaʉ̃ta ũrĩsida Bernabéba Pablo ʉ̃meba jarabʉta. Ãyara nebʉrasida yãraba odaka odata Daizezeba ãyideba judiora ẽãne eda. 13 Ãyi chupeada tẽã Santiagoba jarasi: «Ũrĩdua mebẽrã. 14 Simeónba biʼia jara ũrĩbisi Daizezeba jʉrʉkata jʉrʉside pʉwʉrʉrata, maʉ̃ranebemata pʉwʉrʉ aba jidaita iyi trʉ̃ita. 15 Naʉ̃ bedʼeara abarikabʉ propetaraba jarada kĩrãkʼa, kama aripe bʉchu kĩrãkʼa: 16 ‹Naʉ̃ berabarida tẽã akʉza jẽda piradrʉbiyi David dera, kõra wãnata. Teguezoadara jẽda akʉza ara oyi, 17 ẽbẽrarã kama bʼairaba jʉrʉdamarẽã Jeowata baldua, judiora ẽ bawaraʉba, ẽbẽrarã mʉ̃ trʉ̃ erpanʉta. Mawũã jarabʉ Jeowabara, naʉ̃ra obʉba. 18 Naʉ̃ra ũdukʼawuapanʉ naenaʉ̃ba›. 22 Aramaʉ̃ta apostolerabara akʉza zõrãrãbara kongregasionbawaraʉba jidasida ʉ̃kʉrʉ yumakẽrãra ãyidebemata, zokʼabʉeita Antioquíaeda Pablo akʉza Bernabé kʼaidu. Zokʼabʉesida Judasta iyabaʉta Barsabás akʉza Silasta, maʉ̃ra mebẽrãbara nãã edepanasi. 23 Naʉ̃ta bʉda kʼãrãpe diabʉesida ãyi kʼaidu: «Apostoleraba akʉza zõrãrãba, mara mebẽrãba, mebẽrã Antioquía, Siria, Ciliciadebemaraita, judiora ẽã: Bia panaidua. 24 Kʼawuasida ʉ̃kʉrʉ dayirãnebemaba, daiba jarada ẽã, jarade jʉ̃ẽsidata, maʉ̃ba krĩcha obipanʉ akʉza kʼãrẽ oi kʼawua ẽã panʉ. 25 Maʉ̃ba daibara jidasida bedʼea abarika zeda kʼãrãpe, ʉ̃kʉrʉ yumakẽrãta diabʉeita dayirã nekãga Bernabé kʼaidu akʉza Pablo kʼaidu, 26 ãyara idubʉsida ãya okĩrãbʉra Jesucristo trʉ̃ kʼarea. 27 Maʉ̃ba zokʼabʉda Judasta Silasʼʉ̃me, marabida ũrĩnamarẽã naʉ̃ bedʼea ãyi iba jaraita. 28 Daizeze jaure zareaitara akʉza dairaitara biabʉ ẽ wuabemaraba obe ẽãsidu ozok’aira. 29 Koraidua nek’ãrẽ oma yiwidʼidadebema yarara, wata, nedʉwʉrʉ wa zarra ẽ badara akʉza awurume k’ãĩta krĩchabʉbʉrʉ. Maraba maʉ̃ta aripe odara bia wãñi. Bia baidua. 30 Maʉ̃ tẽã jʉnea maʉ̃ra yumakẽrãra wãsida Antioquíaeda. Mõbe mama ãba jʉredasida ẽbẽrarãta akʉza diasida kartata. 31 Ãya maʉ̃ lebʉdadera mejãchade sobiasida jipa, zareata diabasi baera ãyaʼa. 37 Bernabébara jipa edekĩrãbasi Juanʼra iyi kʼaidu iyabaʉta Marcos apanasi. 38 Mamina Pablobara edeamabasi Panfiliade ãyideba aña wãsi baera akʉza ãyi kʼaidu wã ẽ basi baera jaradiade. 39 Maʉ̃ba mejãcha kĩrʉsi ãyira, maʉ̃ kʼarea awuara wãsida. Bernabébara edesi Marcosta iyi kʼaidu Chipre eda. 40 Pablobara jidasi Silasta akʉza iyira wãsi mebẽrãba Jeowa juwade amaena tẽã. 41 Akʉza jʉ̃ẽsida Siriama adewara Ciliciama zarea diaita kongregasionʼra.