Daniel

10 «‹ Mʉ̃ kʼãĩnʉmʉne mʉ̃a ũdusi, drʉa ẽzadra bakuru zromata edaʉnʉmʉta. 11 Bakurura wari kʼãrãpe mejãcha zareabasi akʉza yi ʉ̃tʉara ʉ̃tʉ bajãinʉbasi. Drʉa jõmaʉ̃maeba ũduseabasi. 12 Yi kiduara biʼiakirasi, mejãcha zaʉbasi netata mawũẽra yikota jõmaʉ̃itabasi. Nedʉwʉrʉrãra naʉ̃ bakuru edre mĩrʉpanasi akʉza ibanara yi juwa jiwinine panasi. Jõma yi zokʼaipanʉra mama nekopanasi. 13 ›». Wabida mʉ̃ kʼãĩnʉmʉne ũdusi, angel aba ʉ̃tʉba yeda uruta. 14 Mõbe jʉrasi: «Tʉbʉeidua bakuruta, tʉbʉiedua yi juwa jiwinita, ãĩ bʉiedua yi kiduata akʉza yi netara ãĩ pepekʉaidua 15 Mamina yi onokota yi karra eda amaenaidua, mõbe tajʉ̃idua jiorroba akʉza kobreba, kama chiruade, kʉe jinokamaba sʉrrʉamarẽã akʉza nedʉwʉrʉrabawara bamarẽã. 16 Iyi sota awuara babimarẽã: ẽbẽra so babi kaʉde nedʉwʉrʉ so babimarẽã, iyi 7 ewari berabariyeda. 17 Naʉ̃ta berabariyi angeleraba naʉ̃ta jarasida baera akʉza kʼãrẽta sãwũã berabarita neneẽãpanʉraba jarabʉ, mawũã jõma yi zokʼaipanʉraba kʼawuadamarẽã Ʉ̃tʉbʉba Zokʼabʉta naʉ̃ drʉara akʉza iya nokʼo babiyi iya kãgata akʉza iya kãgabʉbʉrʉ nokʼo babiseabʉ audre yi eda krĩchabʉta». 20 »› Bakuru bʉa ũdudara, yi zroma badara akʉza zareabʉra yi ʉ̃tʉara ʉ̃tʉ bajãinʉbasi, drʉa jõmaʉ̃neba ũduseabasi, 21 yi kiduara biʼiakirasi, mejãcha zaʉbasi netata akʉza yikota jõmaʉ̃itabasi. Nedʉwʉrʉrãra naʉ̃ bakuru edre mĩrʉpanasi akʉza ibanara yi juwa jiwinine panasi, 22 maʉ̃ bakurura bʉ nokʼo, bʉra yi zromabasi baera akʉza zareabʉ baera, bʉ zarea warisi mawũã bajãinʉba akʉza bʉara naʉ̃ drʉa jõmaʉ̃nẽ zokʼabʉ. 23 »› Nokʼobara ũdusi angel aba ʉ̃tʉba yeda uruta, mõbe jʉrasi: «Tʉbʉeidua bakuruta, tʉbʉeidua yi juwa jiwinita, ãĩ bʉeidua yi kiduata akʉza yi netara ãĩ pepekʉaidua. Mamina yi onokota yi karraeda amaenaidua, mõbe tajʉ̃idua jiorroba akʉza kobreba, kama chiruade, kʉe jinokamaba sʉrrʉamarẽã akʉza nedʉwʉrʉrabawara bamarẽã iyi 7 ewari berabariyeda». 24 Nokʼo, kaʉ̃ta jarakĩrãkʉ kʼãĩmokʼãrãbara akʉza ʉ̃tʉbemaba jarada kaʉ̃ra, mawũã berabaribara bʉita, mʉ̃ nokʼo. 25 Jʉretadaya ẽbẽranebara nedʉwʉrʉrabawara ãba bamarẽã chirua komarẽã torode kĩrãkʼa. Kʉe jinokamaba sʉrrʉaya, bʉbari 7 ewari berabariyeda, bʉa kʼawuayeda Ʉ̃tʉbʉba Zokʼabʉta naʉ̃ drʉara akʉza iya nokʼo babiyi iya kãgabʉtrʉ. 26 »› Mamina jarasida baera yi onokota tajʉmarẽã akʉza jẽda zokʼa jʉ̃drʉyi bʉara, bʉa kʼawuabʉrʉde ʉ̃tʉbemaba zokʼanʉmʉta. 29 Poaga aba berabarida tẽã iyira basi iyi de ʉ̃rʉ, Babiloniane. 30 Nokʼoba jarabasia: «Naʉ̃ Babilonia pʉwʉrʉ zromara, mʉ̃a osi yi zroma bamarẽã, mʉ̃ zareadeba, mʉ̃a zokʼabʉ baera, mʉ̃ta audre yi zromata ũdudamarẽã». 31 Nokʼoba maʉ̃ jaranʉmʉena ʉ̃tʉba jarasi: «Nokʼo Nabucodonosor, bʉaʼa jarayi: ‹Bʉ nokʼora jãrĩsida 32 adewara jʉretadaya ẽbẽranebara nedʉwʉrʉrabawara ãba bamarẽã chirua komarẽã torode kĩrãkʼa, bʉbari 7 ewari berabariyeda, bʉa kʼawuayeda Ʉ̃tʉbʉba Zokʼabʉta naʉ̃ drʉara akʉza iya nokʼo babiyi iya kãgabʉtrʉ›». 33 Aramaʉ̃ta Nabucodonosorʼra mawũã berabarisi. Iyira jʉretasida ẽbẽranebara, mawũã chirua ko jʉ̃drusi torode kĩrãkʼa. Iyi kakuara sʉrrʉasi kʉe jinokamaba akʉza iyi bʉdara warisi nejõbʉ i kĩrãkʼa adewara iyi bichibira ibana zroma bichibi kĩrãkʼa warisi. 34 «Maʉ̃ ewari berabaribʉrʉde mʉ̃ Nabucodonosorba ʉ̃ta akʉsi akʉza kĩrãne basi, ibia bedʼeasi Ʉ̃tʉbemaʼa akʉza ũdubisi iyira yi zromata ewari jõmaʉ̃nẽbʉa, iya zokʼabʉra jõka baera akʉza iyi Nokʼora ewari jõmaʉ̃nẽbayi. 35 Iyi kĩrãkʼara neẽ, maʉ̃ba ũdubibʉ ẽbẽrarã nama udabʉra kʼãrẽ ẽãta. Iyara obʉ iya kãgade gorogorora ʉ̃tʉbʉrabawara akʉza nama udabʉrabawara. Mia abaʉba jarabe ẽ oẽ marẽã mia jarabeda ẽ: ‹¿kʼãrẽta obʉrʉ?›. 36 »Aramaʉ̃ta jẽda kĩrãne basi akʉza jẽda nokʼo basi mʉ̃ra adewara yi zromabasi. Akʉza aramaʉ̃ta mʉ̃ nezokʼarãra mʉ̃ma zesida mʉ̃ kʼarebadaita, jẽda diasida mʉ̃ nokʼora, maʉ̃ba ʉ̃ta warisi mʉ̃a zokʼabʉra nãã bʼadaira.