Lucas

21 Aramaʉta iya akʉbʉdera ũdusi kaja plata eda bʉebarimae yibariraba plata edabʉebarabʉta maʉ̃ne, 2 Maʉ̃ne ũdusi pẽdraba moneda ũme erbʉta eda bʉesita, moneda zakera ũme mia kʼãrẽsida bale ẽãta, 3 Mõbe jarasi: «Kaʉ̃ pẽdra zʉbʉriabʉba audre diabʉrʉ kaʉ̃ra neira. 4 Plata yibarirabara eda bʉepanʉ ãya audu erpanʉta, mamina pẽdrabara, iyi mejãcha nekʼãrẽ neẽãbʉidu, iya jõma erkiruta diasi». 9 Adewara yõ ʉ̃rʉ ũrĩbʉdade, maʉ̃ kʼareara peraraidua, maʉ̃ta nããra berabari bara baera mamina naʉ̃ ewarira jõi ba ẽ bayi waidide». 10 Dewara mawũãsia: Drua tab’eta drua awʉrʉta tab’e bawara zhõnaña, nok’orãta nok’orã awʉrʉ bawara zhõnaña. 11 Bayi drʉa ure zromarata drʉaza, jarrabata akʉza kaya zromarata. Ũdudayi nekʼãrẽ dayi daʉperabʉta akʉza bajãneba ũdudayi daya ũdukata. 19 Maraba awuanta bʉdeba mayi bebʉta ẽdrʉbidayi. 20 «Mawũẽra maraba ũdubʉdade Jerusalén gorogororaba pʉrranʉmʉta, kʼawuaidua ãyi makenaira arakʼaitabata. 21 Maʉ̃ba yi Judeade panʉrãra katumaena mĩrʉ wãidua, yi Jerusalénʼne edapanʉrãra ãĩ wãidua akʉza yi mea panʉrãra eda zeraidua. 22 Maʉ̃ ewaridera Daizezebara makenañi ẽbẽra kayiruata, mawũã Daizeze Bedʼeaba jarabʉta aripe berabarimarẽã. 24 Ʉ̃kʉrʉra kuchoba beadayi akʉza ʉ̃kʉrʉra awuru pʉwʉrʉramae edekʉadayi, Jerusalénʼra jõma makenañi pʉwʉrʉ judiora ẽãba, mawũã berabariyi pʉwʉrʉra judiora ẽã ewari jõita zeyeda. 31 Dayirãbida abarika, naʉ̃ kʼãwũã berabarinʉmʉ ũdubʉdadera kʼawuaidua Daizeze Nokʼora ara kʼaitabata. 34 Mayikʉza kĩrãkita panaidua, mayi soba krĩchabʉde panaraidua, aukʼara nekopanaraidua akʉza ituaba bei panaraidua, naʉ̃ ẽjũãnẽbʉta krĩcha panaraidua, mawũãra mʉ̃ra atiaude mara ʉ̃rʉ ze ẽ baya jari ewaridera. 36 Mawũã kĩrãkita panaidua, badu ũmadaʉde yiwid’i beaidua, mawũã ẽdrʉdaita panaidua nebio mejãcha bʉsawadera. Mawũãra kʼãrẽa peradai neẽãbaya mʉ̃ Yumakẽrã Warra kĩrãbitara.