Éxodo

2 «Jarada Israelitara jẽda wãnamarẽã mõbe Pihahirot kĩrãbita badamarẽã, maʉ̃rabʉ Migdol akʉza puza ẽzadra, mamaʉ̃ba maraba ũduyi Baal-Zefónta. Mama b’aibara marara Baal-Zefón kĩrãbita puza k’awa. 13 Mamina Moisésbara jarasi pʉwʉrʉ’a: «Peraraidua. Zarea b’aidua akʉza akʉidua idi Jeowaba marara sãwũã k’arebaita. Maraba kaʉ̃ra egipsiora idi ũdubʉra wuara ũdu ẽ bayi. 14 Jeowara mara bari yõñi maʉ̃ena marabara chupea jʉ̃ãñi». 21 Maʉ̃ tẽã Moisés’ra juwa ʉ̃ta wuasi puza ʉ̃rʉ aramaʉ̃ta Jeowabara puzara ẽzadra ewabisi diamasi mejãcha pũadrʉbʉba. Yi nãbʉara põasãsi mawũã baniara ẽzadra dranʉmesi. 22 Mawũã israelitarãra puzata kĩrãbarisida egoro põasãbʉde. Baniara muro ũmebasi aba juwararebasi aba juwa’ãkarebasi 26 Aramaʉ̃ta Jeowaba jarasi Moisés’a: «Bʉ juwata ʉ̃ta wuara puza ʉ̃rʉ mawũã baniara iyibada kĩrãk’a jẽda zemarẽã egipsiora ʉ̃rʉ, ãyi karru yõ barira ʉ̃rʉ akʉza kabayo baribarira ʉ̃rʉ». 27 Aramaʉ̃ta Moisésbara juwa ʉ̃ta wuasi puza ʉ̃rʉ ũnadrʉbodo are, baniara iyibada kĩrãk’a basi. Egipsiorãra maʉ̃neba ẽdrʉibasi, mamina Jeowabara puza ẽzadra balbʉesi. 28 Bania iyibada kĩrãk’a basidera, karru yõ barirata, kabayu bari barirata, paraon gorogorora jõma anasi, ãya israelitarata k’aidu pẽwã wãsi baera. Ãyidebemara mia abaʉta zok’ai ba ẽ basi. 31 Israelbida ũdusi Jeowa zarea egipsiora ʉ̃rʉ zokʼadara. Maʉ̃ kʼarea iyi pʉwʉrʉrabara Jeowaʼa wawia ũdubi jʉ̃drʉsida akʉza ĩjãsida Jeowata adewara iyi nezokʼa Moisésta.