1 Timoteo

6 Akʉza wãrĩnu, Daizezeʼa wawia ũdubibʉba nebiata mejãcha diabʉ, dayirãta sobiapanʉbʉrʉ dayirãba kʼãrẽ erbʉ kʼarea. 7 Dayirã tosidadera naʉ̃ drʉa edara kʼãrẽ we ẽ basi maʉ̃ba beibʉrʉdebida kʼãrẽ ede ẽ. 8 Erpanʉbʉrʉ k’ãrẽ koita akʉza k’ãrẽ jʉ̃ĩta, maʉ̃ba sobiapanaibara. 9 Yi plata mejãcha erba krĩchabʉbara audre jʉrʉwañi maʉ̃ra, maʉ̃ra jʉ̃karakĩrãk’abʉ maʉ̃bara obibʉ ne k’ãrẽ zerieata. akʉza zʉbʉriabibʉ, maʉ̃bara edebʉ ẽbẽrarã makĩnĩma akʉza k’ãrẽ neẽbaita. 10 Plata mejãcha kãgaibara zʉbʉriabibʉ, maʉ̃ plata ũdui kãgabʉbara jʉrʉwa, maʉ̃ba ʉ̃kʉrʉbara idu bʉwana Daizeze ĩjaira, akʉza pua mejãcha ũdubibʉ. 14 bʉara aripe oibara akʉza aña oẽ baibara mʉ̃a zokʼadata Jesukristo zeyeda, 15 maʉ̃ra yi sobiabʉba akʉza abapai Zarea barabʉba aripe berabaribiyi iya jidada ewaride. Iyitrʉ Nok’o wuabemara nok’oraira akʉza iyitrʉ Yibari wuabemara yibariraira, 18 Jarada nebiata odamarẽã, nekʼãrẽ biata mejãcha erpanamarẽã nekʼãre bia obʉdeba akʉza ãya erbʉta soiduba diakĩrã diamarẽã akʉza ãya erbʉta wuabemara diakĩrã diadamarẽã, 19 Nebia waga wãra ʉ̃ra zei k’ãrẽa, mawũãra ewari jõmaʉ̃nẽbaya. 20 Timoteo akʉra bi’ia bʉa akʉmarẽã zok’adapeadara.