Nehemías

8 Mõbe, pʉwʉrʉra jõma abarika oita ãba yi jʉresida Puerta Bania kĩrãbita. Jarasida Esdras yi bʉbari’a azemarẽã Moisés libro leyta Jeowaba diadata Israel’ra. 3 Mõbe nemi jĩgʉa le jʉ̃drʉsi Puerta Bania kĩrãbita. Iyara lesi diapedaʉba ũmatipa bayeda, yumakẽrãra, wẽrãra akʉza jõma yi ũrĩseapanʉra daidu. Jõmaʉ̃ba jʉzaba ũrĩnʉmasi leyba jarabʉta. 8 Ãyara nemi jĩgʉa akʉpanasi Daizeze Bed’eara, Daizeze wãrĩnu leyta akʉza jarapanasi k’ãrẽta jarabʉta jõmaʉ̃ba ũrĩnamarẽã. 9 Nehemías (nok’o badaba), Esdras yi saserdote akʉza bʉbaribadaba akʉza Levitarabawaraʉ̃ba jarasida pʉwʉrʉ jõmaʉ̃’a: «Idira ewari neneẽãbʉ Jeowaita. Jẽgarãraidua akʉza sopʉaraidua». Mawũã jarasida pʉwʉrʉ jõmaʉ̃ta jẽganʉmasi baera leyba jarabʉta ũrĩnʉmʉena. 10 Iya jarasi: «Wãidua, nekoidua, bania kũa doidua, yiko diaidua yi neẽã. Idira ewari neneẽãbʉ baera Jeowaita. Sopʉaraidua, sobia Jeowadeba zebʉra dayirã zarea baera». 11 Mõbe Levitarabara jarasida: «Sopʉaraidua, jẽgaraidua idira ewari neneẽãbʉ baera Jeowaita». 12 Aramaʉ̃ta pʉwʉrʉra jõma wãsida nekode, bania dode akʉza mejãcha sobiasida ũrĩsida baera Daizeze Bed’eaba jarabʉta.