Salmo

5 Bʉara nemejãcha parãsi, Jeowa mʉ̃ Zeze. Bʉa bi’ia parãnara mejãchabʉ akʉza bʉ krĩchara daiarebʉ (miõta bʉ kĩrãk’abʉ ẽ). Mʉ̃ta bʉa parãnane bed’eakĩrãbasibʉrʉ, maʉ̃ra jõma jarabe ẽ bakasi. 8 Daizeze bʉa kãgabʉ oira mʉ̃itara arigʉ yibia akʉza bʉ leyʼra mʉ̃ sode edabʉa. 9 Bedʼea bia bʉa aripe oi ʉ̃rʉra jaradiabʉ mʉ̃a kongregasion zromane. ¡Akʉra! Mʉ̃ra chupeabʉ ẽ, bʉa kʼawuabʉ kĩrãkʼa Jeowa. 10 Mʉ̃ sode mera ẽ basi bʉa aripe oi ʉ̃rʉ. Awuarabʉrʉ jarakabʉ bʉ wãrĩnu bedʼeabʉ ʉ̃rʉ akʉza bʉa sãwũã ẽdrʉbibʉ ʉ̃rʉ. Kongregasionera mera ẽ wuabemara bʉ kãga jõka ʉ̃rʉ, mia bʉa aripe jarabʉta». 12 Mʉ̃ kʼawara mejãchabʉ kayiruara daya majʉacha ẽ. Mʉ̃ra mejãcha krĩcha obibʉ mʉ̃a nekayirua odaba maʉ̃ba mʉ̃ o sida ũdu ẽ; mejãchabʉ, mʉ̃ burude budanʉmʉ audre; mʉ̃ra mejãcha sopʉanʉmʉ. 16 Mamina yi bʉ jʉrʉpanʉrara sobiapanaidua bʉdeba sobiapanʉ baera yi kãgapanʉrabara, bʉa ãyita ẽdrubimarẽã ibia bed’eabidua Jeowa ʉ̃rʉ.