Marcos

12 Ewari nããra Piesta Pan Ne Oreguea Neẽã nebemane, kordero beapanasi. Iyi kʼaidubemarabara widisida: «¿Bʉara sama koita kãgabʉpe Paskuara?». 13 Aramaʉ̃ta Jesuba jarasi iyi kʼaidubema ũmeʼa: «Wãidua Jerusalénʼna, mama ũdudayi yumakẽrã zokʼode bania abʉta. Iyi kʼaidu wãidua 14 de abaʉ deda eda wãñinu, mõbe de yibariʼa jaraidua: Nejaradiabariba jarabʉ: «¿Samachu korra zake mʉ̃ nekoseabʉra mʉ̃ neũdukʼawuarabawara?». 15 Akʉza iya ũdubiyi korra zroma jõma barabʉta de ʉ̃tʉ. Mama dayirãita jõma ara oidua». 16 Jesu kʼaidubemara pʉwʉrʉ zromane eda jʉ̃ẽsidadera ũdusida iya jarada kĩrãkʼa, mõbe jõma ara osida Paskua oita. 50 Jõmaʉ̃ba idubʉsida akʉza mĩrʉ mawũãsida. 51 Mamina warrara aba wua bia linonebema jʉ̃bʉba kʼaidu akʉ wãsi ara kʼaitaʉba. Iyira jidadaibasida, 52 aramaʉ̃ta iyara idu amaesi lino wua jʉ̃badara, mawũã ãdrogo ẽdrʉsi. 54 Pedrobara kʼaidu akʉ wãsi jĩgaʉba sumo saserdote de uda jʉ̃ẽñiena, mama jewedabesi wuabemara nezokʼarabawara, ãyi juwata jʉ̃wʉrʉ opanasi tʉbʉ pʉreaba.