Salmo

119 Sobiapanʉ yi ãyi ode kʼẽrẽpapanʉra, Jeowa leyba jarabʉde bʉra. 2 Sobiapanʉ iya jarada aripe opanʉrãra akʉza iyita soiduba jʉrʉpanʉrãra. 9 ¿Sãwũã warrarara iyi ode neneẽã baseabʉ? Bʉ bedʼeata ũrĩbʉde. 10 Mʉ̃a bʉra soiduba jʉrʉbʉ. Mʉ̃a aña obirãra bʉa zokʼabʉdeba. 11 Bʉ bedʼeata mʉ̃ sode wuaga erbʉ, bʉ nãã kayirua oẽ baita. 32 Mʉ̃ra zarea oyi bʉ ode bʉa jarabʉde bʼaita, bʉa kʼarebai baera mʉ̃a soiduba oita. 34 Mʉ̃a diara biʼia ũrĩbari krĩchata, bʉa jarabʉta oita akʉza soiduba jõma oita. 37 Mʉ̃ dabʉa akʉbirãra nekʼãrẽ zeri ẽãta; mʉ̃ra bʉ ode zokʼai erbara. 45 Mʉ̃ra ode bia wãñi, bʉ bedʼeata jʉrʉbʉ baera. 50 Naʉ̃ba mʉ̃aʼa so zarea diabʉ mʉ̃ zʉbʉriabʉde, bʉ bedʼeaba mʉ̃ta zokʼai erbʉ baera. 51 Yi ʉ̃ta krĩchabʉrata mʉ̃ kʼarea mejãcha ipidapanʉmina, mʉ̃ara bʉ leyʼra idubʉ ẽ. 52 Jeowa, mʉ̃a kĩrãbebʉ bʉa nãã kʼawua odata akʉza maʉ̃ba mʉ̃aʼa so zarea diabʉ. 59 Mʉ̃ara bia akʉsi mʉ̃a kʼãrẽ obʉra, mawũã mʉ̃ jĩrʉta jẽda wãmarẽã bʉa jarabʉ ʉ̃rʉ jarabʉmae. 60 Mesera obʉ bʉa zokʼabʉta. 63 Mʉ̃ra yi bʉaʼa wawia ũdubipanʉra akʉza bʉaʼa jarabʉ opanʉra neũdukʼawua. 66 Jaradiara sãwũã bia krĩchaita akʉza bia ũdukʼawuaita, bʉa zokʼabʉ ʉ̃rʉ ĩjãbʉ baera. 81 Mʉ̃ara jipade kãgabʉ bʉa ẽdrʉbimarẽã, bʉ bedʼeabara nebiata jʉ̃ãbibʉ baera. 97 Mʉ̃a k’ãrẽaba kãga bʉ bed’eara. Ewari jõma maʉ̃ne krĩchabʉ mʉ̃ra. 98 Bʉa zokʼadaba mʉ̃ra audre buru bia babʉ mʉ̃ nejʉraraira, maʉ̃ta mʉ̃me ãbabʉ baera. 99 Bʉa mʉ̃a audre k’awuabibʉ mʉ̃ nejaradiabariraira. Bʉa kĩrãbebibʉta krĩchabʉ baera. 101 Mʉ̃ra jipa wã ẽ o mitiadera, bʉ bedʼeaba zokʼabʉ oita. 102 Bʉ leyba jaradiabʉdebara aña oẽ, bʉa jaradiasi baera. 103 Bʉ bedʼeara kʼãrẽaba kũabʉ mʉ̃ kĩrãmeita, kũrabari audre kũabʉ mʉ̃ ita. 104 Bʉa zokʼabʉ ũrĩbʉba mʉ̃ra buru bia babibare. Maʉ̃ kʼarea mʉ̃ara jʉra jõma o mitiara. 105 Bʉ bedʼeara mʉ̃ ʉ̃na teibabari kĩrãkʼabʉ akʉza ʉ̃nabʉ mʉ̃ oita. 111 Bʉa kĩrãbebibʉta mʉ̃ara audre kãga ewari jõma, kaʉ̃bara mʉ̃ sota sobiabibʉ baera. 112 Soiduba mʉ̃a okĩrãbʉ bʉa zokʼabʉta ewari jõma, jõñiena. 128 Maʉ̃neba krĩchabʉ jõma bʉa zokʼabʉra aripebʉta; akʉza jʉra sewa nebʉra jarabʉ ora. 133 Bʉ bedʼeadeba mʉ̃ta kʼẽrẽpa wãbira akʉza yi kayirua yi edebirãra. 138 Bʉa zokʼabʉra jõma aripebʉ akʉza maʉ̃ ʉ̃rʉ wãrĩnu ĩjãseabʉ. 140 Bʉ bedʼeara jipa neneẽãbʉ, bʉ odebʉba mejãcha kãga maʉ̃ra. 159 Mʉ̃a kãga zebʉrʉ bʉa zok’abʉra. O Jeowa bʉa kãga jõka erbʉba, babira mʉ̃ bebʉra. 160 Bʉa bed’ea jarabʉra wãrĩnu: bʉa k’awua zok’abʉra ewari jõmaʉ̃nẽbayi. 163 Jʉra sewa nebʉra jarabʉra akʉza igara. Mamina kãga bʉ leyʼra. 165 Bʉ ley mejãcha kãgapanʉrãra aduʼapanʉ akʉza nekʼãrẽ badua yi baebi ẽ. 176 Mʉ̃ra ãĩbʉ obeja aduada kĩrãkʼa. Mʉ̃ jʉrʉde zera, bʉa zokʼabʉta wabida kĩrãdua ẽ baera.