Génesis

21 Isaacbara zʉbʉria akʉza soiduba widida ʉ̃rʉ widibasi Jeowa’a yi kima tobe ẽ kʼarea. Maʉ̃ tẽã Jeowaba panʉsi iya widibadara, maʉ̃ba Rebecara biogo besi. 27 Warrarãra wari wãsi. Maʉ̃ tẽã Esaúra mi wãmiabasi maʉ̃ba mea bakĩrãbasi, mamina Jacob’ra k’ẽrẽpabasi akʉza karpa de edrebasi. 28 Isaacbara audre kãgabasi Esaúta chichi oidebemata edebasi baera iyita, mamina Rebecabara audre kãgabasi Jacobta. 29 Ewaria aba Jacob’ra guisota wiabasi Esaú meaʉ̃ba aukara zeside. 30 Aramaʉ̃ta Esaúba jarasi Jacob’a: «Mesera, mʉ̃a diara jari guiso kuara bʉa erchuta, mʉ̃ra zareata neẽkʉ baera». Maʉ̃ba trʉ̃gasida Edom. 31 Aramaʉ̃ta Jacob’ba jarasi: «Bʉta nabema baera mʉ̃a diara maʉ̃ta». 32 Maʉ̃ k’area Esaúba panʉsi: «¿K’ãrẽne yibia mʉ̃ nabema b’aira mʉ̃ta k’ãwũã beibodobʉrʉ?». 33 Akʉza Jacob’ba jarasi: «Bʉ k’area wãrĩnuta jarada». Mawũã Jacob’ara wãrĩnuta jarasi iyi k’area, mawũã nedosi iyita nabema k’area iyi ʉ̃rʉ nebia zeibadata. 34 Mawũã Jacob’bara diasi panta lenteja guisoʉ̃me, aramaʉ̃ta Esaúra neko k’ãrãpe ne dosi. Maʉ̃ tẽã piradrʉ k’ãrãpe wãsi. Mawũã Esaúbara kãga ẽãta ũdubisi iyi nabema b’aita.